Salmos 129 - Biblia Dc en Mixe de Quetzaltepec

Salmo 129 Yë Wintsën yë'ë yaj'ëwaatsëpëtsëëmp

¹ Ëjts o'ktëyës të njaty të nkëpety koos të n'ëna'k'aty, wä'än t'ëna'any yë Israel ja'ay,

² kanaakpëkyës yë ëyo'on jotmay të nmënaxy të nyajnaxy koos të n'ëna'k'aty, e yë'ëjëty ka'ap të myëta'aktë ma ëjtsën.

³ Tëës yë njëxk xyajtsëtyujtaayëtë mëët ja näywyop näkya'atsë, ets janty ni'uky ku'ukyës yë njëxk të xy'ëxmajtsëtë jëtu'un kyëxë'knë kam awitsën,

⁴ e yë Wintsën, ko wya'atsëty, yë'ëjës të xyajtso'oky etsës të xyjyëpëky ma ja ëxëëkja'aytyëjk ja kyë'ë y'aawëtyën.

⁵ Wä'än tsëtyu'unmëët twë'ëmta'atë ets wä'än tkä'äktë mëti'ipë myëtsip'ajtëpën yë Jerusalén kajpn.

⁶ Wä'än jëtu'un tnaxtë tä aay ujtsën tëjkëjxypyë yontën mëti'ipë naamka'anëm yajwijxë'ëkyën tääts tyëtskojnë.

⁷ Aay ujts mëti'ipë ka'ap kyë'ëtëkën oy jënu'un ja tuunpëtëjk tjawijxmuktë may, ets ka'ap nyäkynyipety oy may jyayajpëjkmuky ko ja pëjktä'äky pyëti'iky.

⁸ Ja aay ujts mëti'ipë ka'ap ni pën nyimëtya'akëtëty ets ka'ap pën y'ëna'anëty: Dios mëj këjää të kyënu'kxyë ya'atë aay ujts.