Salmos 123 - Biblia Dc en Mixe de Quetzaltepec

Salmo 123 Tsajpkäjpxy ko ja'ay Tios tukjotkujk'aty

¹ Ma mijtsën Wintsën jamës nkëx'ixy mëët tu'uk yë nnu'kxtakën ma mijtsën mëti'ipë ënä'ämpën jam tsajpjotm.

² Mëët yë waantakën nu'kxtakën jam nkëx'ixtës ma Tiosën mëti'ipës nWintsën'ajtëpën, jëtu'un tä tu'uk yë mëtuunpë twintë'kxyën yë wyintsën, ets jëtu'un tä tu'uk yë to'oxytyëjk twintë'kxyën yë wyintaj, n'a'ix njëjp'ixtës etsës xypya'ëyow xynyajts'ëyowëtëty.

³ Wintsën, pa'ëyoowtëkës najts'ëyo'owëtëkës; ëëtsëty ka'apës n'ëkmëmëtaknëtë ja ëxëëkja'aytyëjk ja nyaj'oj nyäya'axë.

⁴ Tëës jeky ëxëëk njatë nkëpätë ko je'eyë xynyëxi'ik xytyukxi'iktës ja kumeenyjyä'äytyëjkëty, mëti'ipë amëj akëjxm ja'ay'ajtëpën ets ixtijy ëxwa'anyës xyaj'itë.