1 Crónicas 1 - Biblia Dc en Mixe de Quetzaltepec

Ja Adán ja y'u'unk y'ok

¹ Ya'atë yë Adán y'u'unk'ajt y'ok'ajt: Set, Enós,

² Cainán, Mahalalel, Jared,

³ Henoc, Matusalén, Lámec, Noé.

Ja Noé y'u'unk y'ok

⁴ Jä'ä Noé y'u'unk y'ëna'k xyëëwajtë: Sem, Cam ets Jafed.

⁵ Jä'ä Jafed y'u'unk y'ëna'k xyëëwajtë: Gómer, Magog, Madai, Javán, Tubal, Mésec ets Tirás.

⁶ Jä'ä Gómer y'u'unk y'ëna'k xyëëwajtë: Asquenaz, Rifat ets Togarmá.

⁷ Jä'ä Javán y'u'unk y'ëna'k xyëëwajtë: Elisá, Tarsis, Quitim ets Rodanim.

⁸ Jä'ä Cam y'u'unk y'ëna'k xyëëwajtë: Cus, Misraim, Fut ets Canaán.

⁹ Jä'ä Cus y'u'unk y'ëna'k xyëëwajtë: Sebá, Havilá, Sabtá, Raamá ets Sabtecá. Jä'ä Raamá y'u'unk y'ëna'k xyëëwajtë: Sebá ets Dedán.

¹⁰ Cus xyëëwajt ja Nimrod ja tyeety, mëët tu'ukpë ja ye'etyëjk mëj'äämpyë y'ijtyën naaxwiiny.

¹¹ Yë Misraim yë'ë ojts ja y'u'unk y'ok yajtijtë: Lud ja'ayëty, Anamim ja'ayëty, Lehab ja'ayëty, Naftu ja'ayëty,

¹² Patru ja'ayëty, Caslu ja'ayëty ets ja Cafto ja'ayëty, ma näjyëtu'un tsyoontën yë Filistejë ja'ayëty.

¹³ Canaán xyëëwajt yë Sidón yë tyeety, Sidón yë'ë ijty kä'äxkopk ets Het mëmäjtsk.

¹⁴ Yë Canaán yë'ë ojts t'u'unk'aty t'ok'aty yë ja'ayëty mëti'ipë yajtijtëpën Jebús ja'ayëty, Amor ja'ayëty, Gerges ja'ayëty,

¹⁵ Heve ja'ayëty, araceos, sinejë,

¹⁶ Arvad ja'ayëty, semareos ets Hamat ja'ayëty.

¹⁷ Yë Sem yë'ë ojts t'u'unk'aty yë: Elám, Asur, Arfaxad, Lud ets Aram. Yë Aram yë'ë ojts t'u'unk'aty yë Us, Hul, Guéter ets wiinkëtypë.

¹⁸ Yë Arfaxad, jä'ä y'u'unk y'ëna'k xyëëwajt Sélah; e yë Sélah jä'ä y'u'unk xyëëwajt Éber;

¹⁹ Yë Éber mäjtsk y'u'unk y'ijty: Tu'uk jä'ä ijty xyëëwajtyp Péleg, jä'ä ko ma ënety të myinyën naaxwiiny jää yë ja'ay ojts nyäyyajwa'kxëtë mäjtskpëky. E ja y'utsy jä'ä xyëëwajt Joctán.

²⁰ Joctán jä'ä y'u'unk y'ëna'k xyëëwajtëp: Almodad, Selef, Hasar-mávet, Jérah,

²¹ Hadoram, Uzal, Diclá,

²² Obal, Abimael, Sebá,

²³ Ofir, Havilá ets Jobab. Tëkokyë ya'atë ja'ayëty aakyë'ë ojts t'u'unk'aty t'ëna'k'aty yë Joctán.

Ja y'u'unk y'ok ja Sem

²⁴ Sem jä'ä y'u'unk y'ëna'k xyëëwajtë: Arfaxad, Sélah,

²⁵ Éber, Péleg, Reu,

²⁶ Serug, Nahor, Taré

²⁷ ets Abram, mëti'ipë ojts ok yajtijnën Abraham.

Ja y'u'unk y'ok ja Ismael ets Ceturá

²⁸ Ja y'u'unk y'ëna'k ja Abraham jä'ä xyëëwajtë: Isaac ets Ismael.

²⁹ Yë'ë ojts t'u'unk'at t'ëna'k'atë: Nebaiot xyëëwajtyp ja Ismael ja myaank mëti'ipë kä'äxkopkën, tääts ja Cedar, Adbeel,

³⁰ Mismá, Dumá, Masá, Hadad, Temá,

³¹ Jetur, Nafís ets Quedmá. Yë'ë y'u'unk'ajt y'ëna'k'ajt yë Ismael.

³² Ya'atë y'u'unk'ajt y'ëna'k'ajt yë Ceturá mëti'ipë Abraham jëtu'unyë nyamëëtsënaayën: Zimram, Jocsán, Medán, Madián, Isbac ets Sua; näjyëtu'un ja y'u'unk y'ëna'këty ja Jacsán mëti'ipë xyëëwajtën Sebá ets Dedán.

³³ Yë y'u'unk yë Madián jä'ä xyëëwajtë: Efa, Efer, Hanoc, Abidá ets Eldaá. Tëkokyë ya'atë ja'ayëty aakyë'ë ojts t'u'unk'aty yë Ceturá.

Ja Esaú ja y'u'unk y'ok

³⁴ Abraham jä'ä ijty yë y'u'unk xyëëwajtyp Isaac. E yë Isaac mäjtsk yë y'u'unk y'ijty: Esaú ets Israel.

³⁵ Yë Esaú jä'ä y'ëna'k xyëëwajtë: Elifaz, Reuel, Jeús, Jaalam ets Coré.

³⁶ Yë Elifaz y'u'unk y'ëna'k jä'ä xyëëwajtë: Temán, Omar, Sefó, Gatam ets Cenaz; e yë Dimná yë'ë ojts t'u'unk'aty yë Amalec.

³⁷ Yë Rehuel jä'ä y'u'unk y'ëna'k xyëëwajtë: Náhat, Zérah, Samá ets Mizá.

³⁸ Yë Seir jä'ä y'u'unk y'ëna'k xyëëwajtë: Lotán, Sobal, Sibón, Aná, Disón, Éser ets Disán.

³⁹ Yë Lotán jä'ä y'u'unk y'ëna'k xyëëwajtë: Horí ets Hemam. Ja to'oxytyëjk mëti'ipë yajtijpën Dimná yë'ë Lotán y'uty ijty.

⁴⁰ Yë Sobal yë'ë ojts t'u'unk'aty t'ëna'k'aty: Alván, Manáhat, Ebal, Sefó ets Onam. E ja y'u'unk y'ëna'k ja Sibón ja xyëëwajtë: Aiá ets Aná.

⁴¹ Yë Aná ja y'u'unk y'ëna'k xyëëwajtë: Disón. E yë y'u'unk y'ëna'k yë Disón jä'ä xyëëwajtë: Hemdán, Esbán, Itrán ets Queran.

⁴² Yë y'u'unk y'ëna'k yë Éser jä'ä xyëëwajtë: Bilhán, Zaaván ets Jaacán, yë y'u'unk y'ëna'k yë Disán jä'ä xyëëwajtë: Uz ets Arán.

⁴³ Ya'atë yajkutujkpëty yë'ë ojts jam yajkutuktë Edom, ma ënety ja Israel ja'ayëty ka'ap ja yajkutujkpë tpëjkta'aktënëm, jä'ä xyëëwajtë: Belá, myaank yë Beor; jam kyukajpnëty Dinhabá.

⁴⁴ Ko yë Belá ojts y'o'knë, yë'ë kutëjkëyë Jobab ets yë'ë yajkutukëty, ja myaank ja Zérah, jam kyukajpnëty Posrá.

⁴⁵ Ko yë Jobab y'o'ky yë'ë ojts kyutëkëty yë Husam, jam kyukajpnëty ma ja Temán y'itjotmën.

⁴⁶ Ko yë Husam y'o'ky yë'ë ojts kyutëkëty yë Hadad, myaank yë Bedad, mëti'ipë ojts ka'ap tyajmëtä'äkyën ja Madián jam ma Moab y'itjotmën; yë'ë kyajpn'ajtyp Avít.

⁴⁷ Ko yë Hadad y'o'ky yë'ë kutëjkëyë Samlá, jam kyukajpnëty Masrecá.

⁴⁸ Ko y'o'ky yë Samlá yë'ë ojts kyutëkëty yë Saúl ets yë'ë y'ënä'ämëty, jam kyukajpnëty Rehobot, mëti'ipë jam winkon yajpatpën ma tu'uk mëjnëë jyënäkyën.

⁴⁹ Ko yë Saúl y'o'ky yë'ë ojts kyutëkëty yë Baal-hanán ets yë'ë yajkutukëty, yë'ë myaank yë Acbor.

⁵⁰ E ko yë Baal-hanán y'o'ky, yë'ë ojts kyutëkëty Hadad ets yë'ë yajkutukëty; jam kyukajpnëty Pau. Yë tyo'oxytyëjk jä'ä ijty txëëwaty Mehetabel yë'ë nyëëx yë Matred ets y'oknëëx yë Mezaab.

⁵¹ Ko ojts Hadad y'o'knë, yë'ë ojts jam Edom kopk nyaxtë mëti'ipë txëëwajtëpën: Timná, Alva, Jetet,

⁵² Oholibamá, Elá, Pinón,

⁵³ Cenaz, Temán, Mibzar,

⁵⁴ Magdiel ets Iram. Yë'ë ya'atë ja'ayëty ojts tnikop'atë ja nyaax kyajpnëty jam Edom.