Salmos 8 - Tayta Diosninchi Isquirbichishan

Tayta Diospis runapis alli cashan

David isquirbishan alabansa.

¹ Llapanpaj munayniyoj Tayta Dios, ¡Cay pachachöga gamllatami fiyupa rispitashunqui! Cantu-cantu syëluchöga munayniyoj captiqui

² tacsha wamracunami, chuchuycaj wamracunami alabashunqui. Chayno alabashunqui contrayqui jatarejcunata, chiquishojcunata upällachinanpaj illgächinanpämi.

³ Syëluta, goyllarta, quillata camashayquita ricashpä

⁴ yarpachacö: «¿Imaraj runaga? Runataga ¿imanir-raj cuyapanqui?» nir.

⁵ Runataga anjilcunapita mas mënus munayniyojllatami rurarayqui. Chaypis camacächishcanqui munayniyoj rispitasha cananpämi.

⁶ Camashayquicunapa duyñun cananpaj aunishcanqui. Camashayquicunapita mas munayniyoj cananpämi churashcanqui.

⁷ Uyshacunapita, wäcacunapita, jirca animalcunapita,

⁸ päriypa purejcunapita, lamarcho tiyaj pescäducunapita, lamarcho caycajcunapita mas munayniyoj cananpämi churashcanqui.

⁹ Llapanpaj munayniyoj Tayta Dios, ¡cay pachachöga gamllami fiyupa rispitasha canqui!