Salmos 70 - Tayta Diosninchi Isquirbichishan

Jorgunanpaj Tayta Diosta mañacushan

Yarpächinanpaj David isquirbishan alabansa.

¹ Taytallau Tayta, salbaycamay ari. Tayta Dios, canan öra shaycamuy yanapämänayquipaj.

² Wañuchimayta munajcunaga pengaycho cachun. Mana allita rurayta munamajcunaga pengay-tucusha gueshpichun.

³ Asipämajcunaga pengay-tucusha quëdachun.

⁴ Gamman yäracamojcuna ichanga cushisha cachun. Gam salbanayquita munaycajcunaga imaypis «Tayta Diosga munayniyojmi» nir cushicuchun.

⁵ Nogaga pobri cashpämi llaquicuycä. Tayta Dios, yanapämänayquipaj juclla shaycamuy. Gammi canqui yanapämaj, imapitapis jorgamaj. Mana shuyarayllapa yanapaycallämay ari.