Salmos 133 - Tayta Diosninchi IsquirbichishanPï-maywanpis alli cawananpaj cashan Jerusalenman aywar cantashan alabansa. David isquirbishan. 1 Ricay, cuyay-munaypämi caycan wauguinwan pañinwan cuyanacur goyashanga. 2 Chayno alli goyarga caycan fiyupa alli asyaj asëti cürapa umanpita liwar, shapranpa päsar röpancama chayajnörämi. 3 Chaynöpis caycan Hermón puntapita Sionman shullay chayajnömi. Chayno alli goyajcunatami Tayta Diosga unaycama cawananpaj bindisyunta gon. |
© 2010, Wycliffe Bible Translators, Inc. All rights reserved. In cooperation with Asociación Cristiana JAWCA.
Wycliffe Bible Translators, Inc.