Salmos 123 - Tayta Diosninchi Isquirbichishan

Tayta Diosman yäracur mañacushan

Jerusalenman aywar cantashan alabansa.

¹ Tayta Dios, gamllamanmi ricaraycämö. Gamga syëluchömi mandaycanqui.

² Patrunninman uyway ricarajnömi, uyway warmi patrönanman ricarajnömi Tayta Dios gamman ricarpaycämö cuyapämänayquipaj.

³ Nogacunata cuyapaycamay ari Tayta Dios. Cuyapaycamay ari. Manami awantänachu gayapämashanta.

⁴ Asipämaptin manami awantänachu. Ollgoj runacunapis fiyupami ashlliman. Alli-tucojcunami manacajman churaman.