Salmos 3 - Q'eqchi Bible

SAALM 3 Rik'in li Qaawa' nachalk li kolb'a ib'

¹ Xsaalm laj David. Naq yo chi elelik chiru laj Absalón, li ralal.

² At Qaawa', k'ajo' xk'ihaleb' li xik' neke'ilok we, xiikileb' li neke'raj numtaak sa' inb'een.

³ Naab'aleb' neke'aatinak chiwix: “Ink'a' chik taakole'q xb'aan li Yos”, chankeb'.

⁴ Ab'anan laa'at, at Qaawa', inramleb'at, inloq'alat, laa'at li nakattaqsink re li wilob'aal.

⁵ Ninyaab'a xk'ab'a' li Qaawa', ut a'an nikinxsume chalen chaq toj sa' li xloq'laj tzuul.

⁶ Ninyoklaak, ninwark ut na'ajk wu, xb'aan naq li Qaawa' natenq'ank we.

⁷ Us ta sutsuuqin xb'aan k'iila o'q'ob' chi tenamit, ab'anan ink'a' tinxiwa ruheb'.

⁸ Xaqlin, at Qaawa'! Chinaakol, at inYos! Xatz'ajiheb' chawuq' chixjunileb' li xik' neke'ilok we, xajori li ruuch reheb' li ink'a' useb' xch'ool.

⁹ Rik'in li Qaawa' nachalk li kolb'a ib'. Chichalq taxaq laawosob'tesihom sa' xb'een laatenamit!