Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

Oseas 6 - Q'eqchi Bible


Eb' laj Israel ink'a' neke'sutq'iik chi anchaleb' xch'ool

1 “Yo'qeb', sutq'iiqo rik'in li Qaawa', xb'aan naq A'an xrahob'tesink qe, ab'an anaqwan tooxk'irtasi; A'an xtiq'ok qe, ut anaqwan tooxb'an.

2 Sa' wiib' kutan tixk'e wi' chik qayu'am, ut sa' rox li kutan tooxwaklesi wi' chik re naq wanqo rik'in.

3 Qasik'aq li Qaawa', qayalaq qaq'e chi xnawb'al ru. Relik chi yaal naq taachalq qik'in jo' naq nahik'e'k li kutan; taachalq qik'in jo' naq li hab' naxt'aqresi li ch'och' sa' li hab'alq'e”.

4 “K'aru tinb'aanu aawe, a Efraín? K'aru tinb'aanu aawe, a Judá? Linraab'al nekeye, a'an jo' li choql toj eq'la, jo' li xchu'ke li sa' junpaat nanume'k xb'aan li iq'.

5 Jo'kan naq xintaqlaheb' li propeet chesachb'al ut xexinkamsi rik'in li waatin. Chanchan naq nayo'laak li saqenk naq tinraqoq aatin sa' eeb'een.

6 Li nawoyb'eni eerik'in, a'an naq tineera, ut maawa' junes mayejak. Maak'a' aj e naq nekek'at leemayej chiwu laa'in wi ink'a' nekek'e inloq'al jo' Yos.


Li xmaakeb' laj Israel

7 “Ab'anan jo' kixb'aanu laj Adán, jo'kan ajwi' naq kixb'aanu lintenamit: kixq'et linsumwank ut ink'a' kinxpaab'.

8 Galahad a'an xna'ajeb' li ink'a' useb' xna'leb', ut nujenaq chi kik'.

9 Eb' laj tij a'aneb' jun ch'uut chi aj elq' li yo'oon wankeb' chi xramb'aleb' li poyanam; neke'kamsink ut xutaanal neke'xb'aanu sa' li b'e naxik Sikem.

10 Jwal yib'ru li kiwil sa' li tenamit Israel: eb' laj Efraín ke'xmux li xpaab'aaleb' ut eb' laj Israel ke'xb'on rib'eb'.

11 Ut cho'q aawe, at Judá, ak xaqxo sa' aab'een li xkutankil li tojb'amaak.

Q'eqchi DC Bible © Bible Society in Guatemala, 2005.

Bible Society in Guatemala
ကြှနျုပျတို့နောကျလိုကျပါ:



ကြော်ငြာတွေ