Números 34 - Q'eqchi Bible

Li xnub'ajlil li na'ajej Kanahán

¹ Li Qaawa' kixye re laj Moisés:

² “Ye li aatin a'in reheb' laj Israel: Ok eere sa' li na'ajej Kanahán. A'an li na'ajej toxeereechani, ut a'aneb' a'in li xnub'ajlil:

³ “Leenub'ajlil sa' xjayal xsak'leb' iq' natiklaak chalen sa' li chaqich'och' re Sin, toj chi junqre xnub'ajlil Edom. Leenub'ajlil sa' xjayal releb'l saq'e natiklaak chaq toj wan wi' li Atz'aminb'il Palaw.

⁴ Leenub'ajlil tixq'ot chaq sa' li xTaqsink laj Xook', sa' xjayal xsakleb'aal iq', toxnume'q Sin ut toxraqe'q sa' xnub'ajlil Kadés-Barné. Chirix chik a'an taaxik toj Jasar-Adar ut toxnume'q Asmón.

⁵ Tixq'ot chaq rix li xnub'ajlil Asmón toj chire xNima'il Ejiipt ut toxraqe'q sa' li palaw.

⁶ “Leenub'ajlil sa' xjayal rokeb'l saq'e a'an toj chire li Nimla Palaw. A'anaq leenub'ajlil sa' xjayal rokeb'l saq'e.

⁷ “Leenub'ajlil sa' xjayal releb'l iq' a'an a'in: teeraq chaq chalen toj chire li Nimla Palaw toj sa' li tzuul Hor.

⁸ Chalen sa' li tzuul Hor teeraq leenub'ajlil toj Jamat, ut tox'elq sa' xnub'ajlil Sedad.

⁹ Chirix chik a'an leenub'ajlil tox'elq Sifrón ut toxraqe'q sa' li na'ajej Jasar-Enán. A'anaq leenub'ajlil sa' xjayal releb'l iq'.

¹⁰ “Leenub'ajlil sa' xjayal releb'l saq'e, teeraq chalen chaq Jasar-Enán toj Sefán.

¹¹ Taakub'eeq chaq Sefán toj Riblá, sa' xjayal releb'l saq'e re Ayin, ut toj taakub'eeq chaq toj chire li palaw re Kinéret sa' xjayal releb'l saq'e,

¹² taakub'eeq toj chire li nima' Jordán ut toxraqe'q sa' li Atz'aminb'il Palaw. “A'anaq leech'och' rik'in chixjunil li xnub'ajlil sutsu wi'”, chan li Qaawa'.

¹³ Laj Moisés kixnumsi eb' li aatin a'in reheb' laj Israel, ut kixye ajwi': “A'an a'in li na'ajej teejek'i cherix chi b'uulinb'il, a' li xye li Qaawa' naq taaq'axtesiiq reheb' li b'eleeb' teep ut li xyiijachil li jun chik,

¹⁴ xb'aan naq li xteepaleb' laj Rubén ut li xteepaleb' laj Gad ak xk'ulumeb' li xna'ajeb'. Jo'kan ajwi' li xyiijachil xteepaleb' laj Manasés ak xk'ulumeb' li xna'ajeb'.

¹⁵ Eb' li wiib' teep ut li xyiijachil li jun teep chik ak xk'ulumeb' li xna'ajeb' toj junpak'al li nima' Jordán, sa' xka'yab'aal Jerikó, sa' xjayal releb'l saq'e”, chan laj Moisés.

¹⁶ Ut li Qaawa' kixye re laj Moisés:

¹⁷ “A'aneb' a'in li xk'ab'a'eb' li te'jek'inq re li ch'och': laj Elehasar laj tij ut laj Josué, ralal laj Nun.

¹⁸ Teexaqab'eb' ajwi' junjunq xjolomileb' li junq teep chi tenamit re te'xjek'i li ch'och'.

¹⁹ A'aneb' a'in li xk'ab'a'eb': laj Kaleb, ralal laj Jefuné, sa' xteepalil laj Judá;

²⁰ laj Samuel, ralal laj Amiud, sa' xteepalil laj Simehón;

²¹ laj Elidad, ralal laj Kislón, sa' xteepalil laj Benjamín;

²² laj Bukí, ralal laj Yoklí, a'an li xjolomil xteepalil laj Dan;

²³ laj Janiel, ralal laj Efod, xjolomil xteepalil laj Manasés, ralal laj José;

²⁴ laj Kemuel, ralal laj Siftán, xjolomil xteepalil laj Efraín;

²⁵ laj Elisafán, ralal laj Parnak, xjolomil xteepalil laj Sabulón;

²⁶ laj Paltiel, ralal laj Asán, xjolomil xteepalil laj Isakar;

²⁷ laj Ajiud, ralal laj Selomí, xjolomil xteepalil laj Aser;

²⁸ ut laj Pedahel, ralal laj Amiud, xjolomil xteepalil laj Neftalí”.

²⁹ A'aneb' a'in li ke'taqlaak xb'aan li Qaawa' chi xjek'inkil li na'ajej Kanahán, chireechaniheb' laj Israel.