Nehemías 10 - Q'eqchi Bible

¹ A'aneb' a'in li ke'xk'e xk'ab'a'eb' sa' li hu tz'iib'anb'il wi' li sumwank kiqayiib': laj Nehemías laj taqlanel sa' xb'een li tenamit, ralal laj Jakalías; laj Sedekías,

² laj Seraías, laj Asarías, laj Jeremías,

³ laj Pasjur, laj Amarías, laj Malkías,

⁴ laj Jatús, laj Sebanías, laj Maluk,

⁵ laj Jarín, laj Meremot, laj Abdías,

⁶ laj Daniel, laj Kinetón, laj Baruk,

⁷ laj Mesulán, laj Abías, laj Miyamín,

⁸ laj Mahasías, laj Bilká ut laj Semaías. Chixjunileb' a'in aj tijeb'.

⁹ Eb' laj Leví li ke'xk'e xk'ab'a'eb', a'aneb' a'in: laj Josué, ralal laj Asanías; laj Binuy, xkomoneb' laj Jenadad; laj Kadmiel

¹⁰ ut eb' li ras riitz'in laj Sekanías, laj Hodabías, laj Kelitá, laj Pelaías, laj Janán,

¹¹ laj Miká, laj Rejob, laj Jasabías,

¹² laj Sakur, laj Serebías, laj Sebanías,

¹³ laj Hodías, laj Baní ut laj Kenaní.

¹⁴ Ut eb' li xjolomileb' li tenamit li ke'xk'e xk'ab'a'eb', a'aneb' a'in: laj Parós, laj Pajat-Mohab, laj Elam, laj Satú, laj Baní,

¹⁵ laj Buní, laj Askad, laj Bebay,

¹⁶ laj Adonías, laj Bikbay, laj Adín,

¹⁷ laj Ater, laj Esekías, laj Asur,

¹⁸ laj Hodías, laj Jasún, laj Besay,

¹⁹ laj Jarif, laj Anatot, laj Nobay,

²⁰ laj Makpiás, laj Mesulán, laj Jesir,

²¹ laj Mesesabel, laj Sadok, laj Yadúa,

²² laj Pelatías, laj Janán, laj Anaías,

²³ laj Oseas, laj Jananías, laj Jasub,

²⁴ laj Halojés, laj Piljá, laj Sobek,

²⁵ laj Rejún, laj Jasabná, laj Mahasías,

²⁶ laj Ajías, laj Janán, laj Anán,

²⁷ laj Maluk, laj Jarín ut laj Bahaná.

Li teneb'anb'il sa' xb'een li tenamit

²⁸ Eb' li junch'ol chik chi poyanam, a'eb' laj tij ut eb' laj Leví, eb' li neke'k'aak'alenk re li okeb'aal, eb' laj b'ichanel, eb' laj k'anjel sa' rochoch li Yos, jo'keb' ajwi' chixjunileb' li ke'risi rib' sa' xyanqeb' laj ab'l tenamit re xpaab'ankil xChaq'rab' li Yos, rochb'eeneb' li rixaqileb', li ralal xk'ajoleb' ut chixjunileb' li ak neke'xnaw k'oxlak,

²⁹ ke'xjunaji rib' rik'ineb' li xkomoneb' ut eb' laj k'amol xb'eheb', ut ke'xye raatineb' sa' jurament naq junelik te'xpaab' li Chaq'rab' xk'ehom li Yos re laj Moisés laj k'anjel chiru. Ke'xye naq te'xyu'ami ut te'xk'anjela ru chixjunil li raatin, li xchaq'rab' ut li xtaqlahom li Qaawa' li qaYos.

³⁰ Kiqaye li qaatin naq ink'a' tqak'e eb' li qarab'in reheb' li jalan xtenamiteb' chi moko tqasik' li xrab'ineb' a'an cho'q rixaqileb' li qalal.

³¹ Wi eb' laj ab'l tenamit te'xk'am chaq triiw malaj k'a'aq re ru re te'xk'ayi sa' li kutan sábado malaj sa' junaq loq'laj ninq'e, maak'a' tqaloq' chiruheb'. Ut sa' li xwuq chihab' tqakanab' chi hilank li ch'och' ut tqasach reetalil li xk'aseb' li wankeb' xk'as qik'in.

³² Kiqak'uub' ajwi' xq'axtesinkil kaaka oons chi plaat rajlal chihab' re li k'anjel na'uxmank sa' rochoch li qaYos,

³³ cho'q re li wa namayejamank, li yeechi'om ut li k'atb'il mayej nak'eemank rajlal kutan, li mayej nayeechi'imank sa' li kutan sábado, sa' xyo'lajik li po ut sa' chixjunileb' li ninq'e; cho'q re li k'a'aq re ru q'axal loq' nayeechi'imank, ut li mayejak na'uxmank re xpatz'b'al xkuyb'al xmaakeb' laj Israel, jo' ajwi' cho'q re chixjunil li loq'laj k'anjel na'uxmank sa' rochoch li qaYos.

³⁴ Kiqak'uub' ajwi' naq eb' laj tij, eb' laj Leví ut chixjunil li tenamit te'b'uuliiq rixeb' re rilb'al ani taak'amoq si' rajlal chihab' sa' rochoch li qaYos, tz'aqal sa' xq'ehil, re taak'atmanq sa' xb'een x'artal li Qaawa' li qaYos, jo' chanru tz'iib'anb'il sa' li Chaq'rab'.

³⁵ Kiqaye ajwi' li qaatin naq rajlal chihab' tqak'am chaq sa' rochoch li Qaawa' li xb'een ru li qawimq ut li xb'een ru chixjunil li che' na'uuchink.

³⁶ Tqak'am ajwi' sa' rochoch li qaYos li xb'een qalal jo'wi' li xb'een ral li qawakax, li qakarneer ut chixjunil li qaketomq, jo' chanru tz'iib'anb'il sa' li Chaq'rab', ut taaqaq'axtesi reheb' laj tij li neke'k'anjelak sa' li Loq'laj Ochoch.

³⁷ Kiqak'uub' ajwi' xk'amb'al sa'eb' li xk'uuleb'aal li rochoch li Yos, cho'q reheb' laj tij, li q'em yiib'anb'il rik'in li xb'een ru li triiw, jo' ajwi' li xchaab'ilal chixjunil ru li che', li b'iin ut li aseeyt. Ut li junjunq sa' xlajeetqil ru li qawimq taaqaq'axtesi reheb' laj Leví, xb'aan naq eb' a'an neke'xokok re li xlajeetqil chixjunil li naruuchin li qach'och'.

³⁸ Ut naq eb' laj Leví te'xik chi xxokb'al li xlajeetqil chixjunil li k'a'aq re ru, tento naq junaq aj tij, xkomoneb' li ralal laj Aharón, taa'ochb'eeninq re. Chirix chik a'an eb' laj Leví te'xk'am li junjunq sa' xlajeetqil sa'eb' li xk'uuleb'aal li rochoch li qaYos,

³⁹ xb'aan naq eb' laj Israel ut eb' laj Leví tento te'xk'am li triiw, li b'iin ut li aseeyt sa'eb' li k'uuleb'aal a'an. Aran wankeb' ajwi' li xk'anjelob'aal li rochoch li Yos, jo' ajwi' eb' laj tij li neke'k'anjelak, eb' laj k'aak'alenel okeb'aal ut eb' laj b'ichanel. Ut kiqaye ajwi' naq ink'a' tqakanab' li rochoch li qaYos.