Josué 21 - Q'eqchi Bible

Li xtenamiteb' laj Leví

¹ Eb' li xjolomil li xjunkab'aleb' laj Leví ke'jilok chi xk'atq laj Elehasar laj tij, rik'in ajwi' laj Josué, ralal laj Nun, ut rik'ineb' li xjolomileb' li xjunkab'aleb' li xteepaleb' laj Israel,

² naq wankeb' aran Siló, sa' xch'och'eb' laj Kanahán, ut ke'xye reheb': “Li Qaawa' kixye re laj Moisés naq chik'ehe'q qatenamit b'arwi' toohilanq jo'wi' qak'aleb'aal cho'q reheb' li qaketomq”, chankeb'.

³ Toja' naq eb' laj Israel ke'xk'e eb' li xtenamiteb' cho'q reheb' laj Leví, rochb'eeneb' li xk'aleb'aaleb', jo' chanru xtaqlahom li Qaawa'.

⁴ A'aneb' a'in li tenamit ke'xk'ul chi b'uulinb'il eb' laj Leví, ralaleb' laj Aharón laj tij, a'eb' li wankeb' sa' xjunkab'al laj Kehat: oxlaju chi tenamit sa' xteepaleb' laj Judá, laj Simehón ut laj Benjamín.

⁵ Li xkomoneb' li ralal xk'ajol laj Kehat ke'xk'ul lajeeb' chi tenamit reheb' li xteepaleb' laj Efraín, laj Dan ut li xyiijachil xteepal laj Manasés.

⁶ Eb' li ralal xk'ajol laj Kersón ke'reechani oxlaju chi tenamit reheb' li xteepaleb' laj Isakar, laj Aser, laj Neftalí ut li xyiijachil li xteepal laj Manasés aran Basán.

⁷ Eb' li ralal xk'ajol laj Merarí ke'reechani kab'laju chi tenamit reheb' li xteepaleb' laj Rubén, laj Gad ut laj Sabulón.

⁸ Eb' laj Israel ke'xk'e reheb' laj Leví chi b'uulinb'il eb' li tenamit a'an jo' ajwi' xna'aj xwa'leb'aal xketomqeb', jo' chanru kiyehe'k re laj Moisés xb'aan li Qaawa'.

⁹ Eb' laj Leví ke'k'ehe'k reheb' eb' li tenamit a'in xb'aan li xteepal laj Judá ut li xteepal laj Simehón.

¹⁰ A'an a'in li ch'och' ke'xk'ul, sa' li xb'een b'uulik, eb' li ralal xk'ajoleb' laj Leví, xkomoneb' laj Aharón ut laj Kehat.

¹¹ A' li tenamit Kiryat-Arbá kik'ehe'k reheb' (Hebrón ajwi' xk'ab'a'; xtenamit li xyuwa' laj Anak), sa' li tzuul li wank sa' xteepal Judá, rochb'een li ch'och' re k'iiresink ketomq wank chi xsutam.

¹² Ab'an li xna'aj awimq re li tenamit a'in rochb'eeneb' xk'aleb'aal kik'ehe'k cho'q xch'och' laj Kaleb, ralal laj Jefuné.

¹³ Eb' li ralal xk'ajol laj Aharón laj tij ke'xk'ul cho'q na'ajej te'xkol wi' rib' eb' laj kamsinel ras riitz'in, li tenamit Hebrón rochb'een xk'aleb'aaleb' jo'wi' Libná ut eb' li xk'aleb'aal,

¹⁴ Yatir ut eb' li xk'aleb'aal, Estemoha rochb'een xk'aleb'aaleb',

¹⁵ Jolón rochb'een xk'aleb'aaleb', Debir rochb'een xk'aleb'aaleb',

¹⁶ Asán rochb'een xk'aleb'aaleb', Yutá rochb'een xk'aleb'aaleb', Bet-Semes rochb'een xk'aleb'aaleb': b'eleeb' chi tenamit reheb' li wiib' teep a'an.

¹⁷ Sa' xteepal Benjamín kik'ehe'k Gabahón rochb'een xk'aleb'aaleb', Keba rochb'een xk'aleb'aaleb',

¹⁸ Anatot rochb'een xk'aleb'aaleb', Almón rochb'een xk'aleb'aaleb': kaahib' chi tenamit.

¹⁹ Chixjunileb' li tenamit li ke'k'ehe'k reheb' laj tij, ralaleb' laj Aharón, a'aneb' oxlaju chi tenamit rochb'een xk'aleb'aaleb'.

²⁰ Eb' li xch'uuteb' li ralal xk'ajol laj Kehat, eb' li rela' laj Leví li wankeb' sa' xyanqeb' laj Kehat, ke'xk'ul sa' b'uulinb'il li xtenamiteb' sa' xteepal Efraín.

²¹ Kik'ehe'k reheb' cho'q na'ajej te'xkol wi' rib' eb' laj kamsinel ras riitz'in, Sikem rochb'een xk'aleb'aaleb', sa' xtzuulul Efraín, jo' ajwi' Késer rochb'een xk'aleb'aaleb',

²² Kibsáhin rochb'een xk'aleb'aaleb', Bet-Jorón rochb'een xk'aleb'aaleb': kaahib' chi tenamit li kik'ehe'k reheb'.

²³ Sa' xteepal Dan kik'ehe'k Elteké rochb'een xk'aleb'aaleb', Jibetón rochb'een xk'aleb'aaleb',

²⁴ Ayalón rochb'een xk'aleb'aaleb', Gat-Rimón rochb'een xk'aleb'aaleb': kaahib' chi tenamit li kik'ehe'k reheb'.

²⁵ Sa' li xyiijachil xteepaleb' laj Manasés kik'ehe'k Tanak rochb'een xk'aleb'aaleb' ut Iblehán rochb'een xk'aleb'aaleb': wiib' tenamit kik'ehe'k reheb'.

²⁶ Jo'kan naq lajeeb' chi tenamit rochb'eeneb' xk'aleb'aaleb' kik'ehe'k reheb' li xkomoneb' li ralal xk'ajol laj Kehat.

²⁷ Eb' li ralal xk'ajol laj Kersón, xkomoneb' laj Leví, kik'ehe'k reheb' wiib' tenamit: sa' li xyiijachil xteepal laj Manasés, kik'ehe'k li tenamit Golán re Basán rochb'een xk'aleb'aaleb', b'arwi' te'xkol rib' eb' laj kamsinel ras riitz'in, ut Astarot rochb'een xk'aleb'aaleb'.

²⁸ Sa' xteepal Isakar, kik'ehe'k Kisyón rochb'een xk'aleb'aaleb', Dobrat rochb'een xk'aleb'aaleb',

²⁹ Yarmut rochb'een xk'aleb'aaleb', En-Ganín rochb'een xk'aleb'aaleb': kaahib' chi tenamit.

³⁰ Sa' xteepal Aser, kik'ehe'k Misal rochb'een xk'aleb'aaleb', Abdón rochb'een xk'aleb'aaleb',

³¹ Jelkat rochb'een xk'aleb'aaleb', Rejob rochb'een xk'aleb'aaleb': kahib chi tenamit.

³² Sa' xteepal Neftalí, kik'ehe'k cho'q na'ajej te'xkol wi' rib' eb' laj kamsinel ras riitz'in, Kadés re Galilea rochb'een xk'aleb'aaleb', Jamot-Dor rochb'een xk'aleb'aaleb', Rakat rochb'een xk'aleb'aaleb': oxib' chi tenamit.

³³ Oxlajuheb' li tenamit kik'ehe'k reheb' li ralal xk'ajol laj Kersón rochb'een xk'aleb'aaleb'.

³⁴ Eb' li xch'uuteb' li ralal xk'ajol laj Merarí, li rela' laj Leví, ke'xk'ul kaahib' chi tenamit sa' xteepal Sabulón: Yoknehán rochb'een xk'aleb'aaleb', Kartá rochb'een xk'aleb'aaleb',

³⁵ Rimón rochb'een xk'aleb'aaleb' ut Nahalal rochb'een xk'aleb'aaleb'.

³⁶ Ke'xk'ul ajwi', junpak'al li nima' Jordán, sa' xteepal Rubén, cho'q tenamit b'arwi' te'xkol rib' eb' laj kamsinel ras riitz'in, Béser sa' li chaqich'och', chiru taq'a, rochb'een xk'aleb'aaleb', jo'wi' Yahás rochb'een xk'aleb'aaleb',

³⁷ Kedemot rochb'een xk'aleb'aaleb', Mepahat rochb'een xk'aleb'aaleb': kaahib' chi tenamit.

³⁸ Sa' xteepal Gad, ke'xk'ul Ramot re Galahad cho'q tenamit b'arwi' te'xkol rib' eb' laj kamsinel ras riitz'in, ut Majanáhin,

³⁹ Jesbón rochb'een xk'aleb'aaleb', Jaser rochb'een xk'aleb'aaleb': kaahib' chi tenamit.

⁴⁰ Chixjunileb' li tenamit k'eeb'il cho'q reheb' li ralal xk'ajol laj Merarí, li ralal laj Leví, chi komonil, a'aneb' kab'laju chi tenamit.

⁴¹ Waqxaqib' roxk'aal chixjunileb' li tenamit ke'xk'ul eb' laj Leví sa' xyanqeb' laj Israel; ut kik'ehe'k ajwi' xna'ajeb' li xketomq.

⁴² Li junjunq chi tenamit wank xwa'lem chi xsutam.

⁴³ Li Qaawa' kixk'e reheb' laj Israel chixjunil li ch'och' li kixyeechi'i sa' jurament reheb' li xna' xyuwa'eb'. Ke'reechani ut ke'na'ajunk aran.

⁴⁴ Li Qaawa' kixk'e tuqtuukilal sa' chixjunil li xsutameb', jo' chanru yeeb'il sa' jurament reheb' li xna' xyuwa'eb', ut maajun reheb' li xik' neke'ilok reheb' kiruhank chi kuyuk sa' ruq'eb': chixjunileb' laj rahob'tesinel ke'q'axtesiik sa' ruq'eb' laj Israel.

⁴⁵ Maajun li k'a'aq re ru jwal chaab'il li kixyeechi'i li Qaawa' re li xjunkab'al laj Israel, kikanaak chi ink'a' ta ki'uxk: chixjunil kitz'aqlok ru.