Ester 10 - Q'eqchi Bible

Kinimaak xloq'al laj Mardokeo

¹ Laj Asuero li awab'ej kixtitz' xtoj chixjunileb' li tenamit li wankeb' rub'el xwankil, jo' chi ch'och'el ut chiru palaw.

² Li xwankilal ut li xloq'al li awab'ej a'an, jo' ajwi' chanru naq kixtaqsi xwankil laj Mardokeo, tz'iib'anb'il sa' xhuhil li xyehom ut xb'aanuhom eb' li awab'ej re Persia ut Media.

³ Laj Mardokeo a'an li xkab'il sa' xna'aj li awab'ej, xnimal ru winq sa' xyanqeb' laj Judiiy ut raaro xb'aaneb' chixjunileb' li ras riitz'in, xb'aan naq kixsik' li usilal ut li tuqtuukilal cho'q reheb' chixjunil li rech tenamitul.