Salmos 2 - Q'eqchi Bible

SAALM 2 Li Qaawa' ut li Sik'b'il ru xb'aan

¹ K'a'ut naq neke'xmululi rib' li poyanam? K'a'ut naq eb' li tenamit yookeb' chi xk'uub'ankil li maak'a' rajb'al?

² Neke'xk'amchi'i rib'eb' li x'awab'ej li ruuchich'och', eb' laj jolominel wotz neke'k'uub'ank raaxiik' chirix li Qaawa' ut li Sik'b'il ru xb'aan:

³ “Qat'upiiq li xkareeneb' -chankeb'-, qisihaq qib' sa' li xwankilaleb'!”.

⁴ A'ut Li nak'ojlaak sa' choxa nase'ek chaq, li Qaawa' naxtz'eqtaanaheb'.

⁵ Chirix chik a'an traatinaheb' sa' josq'il; k'ajo' xpo'ik xch'ool naq tixsacheb' xna'leb':

⁶ “Laa'in xinxaqab'ank re lin'awab'ej aran Sión sa' linloq'laj tzuul”, chan.

⁷ Tinpuktesi li xk'uub'ahom li Qaawa' li kixye we: “Laa'at li walal; anaqwan xatinyoob'tesi.

⁸ Tz'aama we, ut tink'e chaweechaniheb' li tenamit; aawehaq chixjunil li ruuchich'och'.

⁹ Taajuk'eb' rik'in b'aar ch'iich', taamuch'iheb' jo' junaq pak'b'il sek'”, chan we.

¹⁰ Jo'kan utan, ex awab'ej, chetawaq ru, jalomaq leek'a'uxl laa'ex li wank eewankil sa' ruuchich'och'.

¹¹ Chexk'anjelaq chiru li Qaawa' chi wanq eexiw,

¹² chereek'a xsik naq teeloq'oni ru li Nimajwal Yos. Mare anchal taapo'q ut texsachq sa' b'e, xb'aan naq sa' junpaat nachalk xjosq'il. Us xaq reheb' li neke'muhenk rik'in!