Números 7 - Q'eqchi Bible

Li xyeechi'om eb' laj Israel cho'q re li Loq'laj Na'ajej

¹ Naq laj Moisés kiraqe'k chi xwaklesinkil li Loq'laj Na'ajej, kixyuli chi aseeyt ut kixsantob'resi rochb'een chixjunil li k'a'aq re ru taak'anjelaq chisa'. Kixsantob'resi ajwi' li artal rochb'een chixjunileb' li xk'anjelob'aal. Ut naq kiraqe'k chi xyulinkil chi aseeyt ut chi xsantob'resinkil,

² eb' laj k'amol xb'eheb' laj Israel, a'eb' li xjolomil li junqkab'al ut junjunq chi teep li ke'tenq'ank chi rajlankileb' li tenamit, ke'mayejak.

³ Ke'xk'e li xmayej chiru li Qaawa': waqib' chi kareet tz'aptz'o xb'een, ut kab'laju li b'ooyx. Ka'kab' chi aj k'amol b'e chirix jun chi kareet ut junjunq xb'ooyx li junjunq. Ke'xkanab' chixjunil a'in chiru li Loq'laj Na'ajej.

⁴ Toja' naq li Qaawa' kiraatina laj Moisés ut kixye re:

⁵ “K'ul li mayej a'in chiruheb' re taak'anjelaq sa' li Loq'laj Na'ajej. Ut taak'e reheb' laj Leví, jo' chanru xk'anjel li junjunq”, chan.

⁶ Laj Moisés kixk'uleb' li kareet ut eb' li b'ooyx ut kixk'e reheb' laj Leví:

⁷ wiib' li kareet ut kaahib'eb' li b'ooyx kixk'e reheb' li ralal laj Kersón, jo' chanru li k'anjel neke'xb'aanu;

⁸ kaahib' li kareet ut waqxaqib' li b'ooyx kixk'e reheb' li ralal laj Merarí, jo' chanru li k'anjel neke'xb'aanu rub'el xwankil laj Itamar, ralal laj Aharón laj tij.

⁹ Ab'an maak'a' kixk'e reheb' li ralal laj Kehat, xb'aan naq li xk'amomeb' a'an q'axal loq' ut chi paqonb'il neke'xk'am.

¹⁰ Naq kisantob'resiik li artal, eb' laj k'amol b'e ke'xk'am li xmayejeb' ut ke'xq'axtesi chiru li artal.

¹¹ Ut li Qaawa' kixye re laj Moisés: “Rajlal kutan junjunq xjolomil xteepal laj Israel chimayejaq sa' xk'ab'a' li artal”, chan.

¹² Sa' li xb'een kutan kimayejak laj Najsón, ralal laj Aminadab, sa' xteepal Judá.

¹³ Li mayej li kixk'e, a'an jun perpookil sek' yiib'anb'il rik'in plaat aj lajeeb' xwuqk'aal (130) chi tumin ut jun uk'leb' sek' yiib'anb'il rik'in plaat aj lajeeb' xkaak'aal (70) chi tumin, jo' chanru xtz'aq li xtumin li artal, nujenaqeb' chi k'aj yoq'inb'il rik'in aseeyt, cho'q re li mayej re li ru li awimq.

¹⁴ Kixmayeja ajwi' jun lekleb' yiib'anb'il rik'in oor aj lajeeb' xwaqk'aal chi tumin, nujenaq chi ensens;

¹⁵ jun saaj wakax, jun chib'aat, jun karneer aj junq chihab', cho'q re li k'atb'il mayej;

¹⁶ jun teelom chib'aat cho'q mayej chirix li kuyuk maak

¹⁷ ut wiib' li b'ooyx, oob' li teelom karneer, oob' li teelom chib'aat ut oob' li kok' karneer aj junq chihab'eb' cho'q mayej re k'amok ib' sa' usilal rik'in li Yos. A'an a'in li xmayej laj Najsón, ralal laj Aminadab.

¹⁸ Sa' xkab' li kutan kimayejak laj Natanael, ralal laj Swar, xjolomileb' laj Isakar.

¹⁹ Li mayej li kixk'e, a'an jun perpookil sek' yiib'anb'il rik'in plaat aj lajeeb' xwuqk'aal (130) chi tumin ut jun uk'leb' sek' yiib'anb'il rik'in plaat aj lajeeb' xkaak'aal (70) chi tumin, jo' chanru xtz'aq li xtumin li artal, nujenaqeb' chi k'aj yoq'inb'il rik'in aseeyt, cho'q re li mayej re li ru li awimq.

²⁰ Kixmayeja ajwi' jun lekleb' yiib'anb'il rik'in oor aj lajeeb' chi tumin, nujenaq rik'in ensens;

²¹ jun ral wakax, jun chib'aat, jun karneer aj junq chihab' cho'q re li k'atb'il mayej;

²² jun teelom chib'aat cho'q mayej chirix li kuyuk maak;

²³ ut wiib' li b'ooyx, oob' li teelom karneer, oob' li teelom chib'aat ut oob' li kok' karneer aj junq chihab'eb' cho'q mayej re k'amok ib' sa' usilal rik'in li Yos. A'an a'in li xmayej laj Natanael, ralal laj Swar.

²⁴ Sa' rox li kutan, kimayejak laj Eliab, ralal laj Jelón, xjolomileb' laj Sabulón.

²⁵ Li mayej li kixk'e, a'an jun perpookil sek' yiib'anb'il rik'in plaat, aj lajeeb' xwuqk'aal (130) chi tumin, ut jun sek' yiib'anb'il rik'in plaat aj lajeeb' xkaak'aal (70) chi tumin, jo' chanru xtz'aq li xtumin li artal, nujenaqeb' chi k'aj yoq'inb'il rik'in aseeyt, cho'q re li mayej re li ru li awimq.

²⁶ Kixmayeja ajwi' jun lekleb' yiib'anb'il rik'in oor aj lajeeb' chi tumin, nujenaq chi ensens;

²⁷ jun ral wakax, jun chib'aat, jun karneer aj junq chihab', cho'q re li k'atb'il mayej;

²⁸ jun teelom chib'aat cho'q mayej chirix li kuyuk maak;

²⁹ ut wiib' li b'ooyx, oob' li teelom karneer, oob' li teelom chib'aat ut oob' li kok' karneer aj junq chihab'eb', cho'q mayej re k'amok ib' sa' usilal rik'in li Yos. A'an a'in li xmayej laj Eliab, ralal laj Jelón.

³⁰ Sa' xka li kutan kimayejak li xjolomileb' laj Rubén, a' laj Elisur, ralal laj Sedewr.

³¹ Li mayej li kixk'e, a'an jun perpookil sek' yiib'anb'il rik'in plaat, aj lajeeb' xwuqk'aal (130) chi tumin ut jun sek' yiib'anb'il rik'in plaat aj lajeeb' xkaak'aal (70) chi tumin, jo' chanru xtz'aq li xtumin li artal, nujenaq chi k'aj yoq'inb'il rik'in aseeyt cho'q re li ru li awimq.

³² Kixmayeja ajwi' jun lekleb' yiib'anb'il rik'in oor, aj lajeeb' chi tumin nujenaq chi ensens;

³³ jun ral wakax, jun chib'aat, jun karneer aj junq chihab', cho'q re li k'atb'il mayej;

³⁴ jun teelom chib'aat cho'q mayej chirix li kuyuk maak;

³⁵ ut wiib' li b'ooyx, oob' li teelom karneer, oob' li teelom chib'aat ut oob' li kok' karneer aj junq chihab'eb', cho'q mayej re k'amok ib' sa' usilal rik'in li Yos. A'an a'in li xmayej laj Elisur, ralaj laj Sedewr.

³⁶ Sa' ro' li kutan kimayejak li xjolomileb' laj Simehón, a' laj Salumiel, ralal laj Surisaday.

³⁷ Li mayej li kixk'e, a'an jun perpookil sek' yiib'anb'il rik'in plaat, aj lajeeb' xwuqk'aal (130) chi tumin, ut jun sek' yiib'anb'il rik'in plaat, aj lajeeb' xkaak'aal (70) chi tumin, jo' chanru xtz'aq li xtumin li artal, nujenaqeb' chi k'aj yoq'inb'il rik'in aseeyt cho'q re li mayej re li ru li awimq.

³⁸ Kixmayeja ajwi' jun lekleb' yiib'anb'il rik'in oor aj lajeeb' chi tumin, nujenaq chi ensens;

³⁹ jun ral wakax, jun chib'aat, jun karneer aj junq chihab', cho'q re li k'atb'il mayej;

⁴⁰ jun teelom chib'aat cho'q mayej chirix li kuyuk maak;

⁴¹ ut wiib' li b'ooyx, oob' li teelom karneer, oob' li teelom chib'aat ut oob' li kok' karneer aj junq chihab'eb', cho'q mayej re k'amok ib' sa' rusilal rik'in li Yos. A'an a'in li xmayej laj Salumiel, ralal laj Surisaday.

⁴² Sa' xwaq li kutan kimayejak li xjolomileb' laj Kad, a'an laj Eliasaf, ralal laj Rewel.

⁴³ Li mayej li kixk'e, a'an jun perpookil sek' yiib'anb'il rik'in plaat aj lajeeb' xwuqk'aal (130) chi tumin, ut jun sek' yiib'anb'il rik'in plaat aj lajeeb' xkaak'aal (70) chi tumin, jo' chanru xtz'aq li xtumin li artal, nujenaqeb' chi k'aj yoq'inb'il rik'in aseeyt, cho'q re li mayej re li ru li awimq.

⁴⁴ Kixmayeja ajwi' jun lekleb' yiib'anb'il rik'in oor aj lajeeb' chi tumin, nujenaq chi ensens;

⁴⁵ jun ral wakax, jun chib'aat, jun karneer aj junq chihab', cho'q re li k'atb'il mayej.

⁴⁶ Kixmayeja ajwi' jun chib'aat cho'q mayej chirix li kuyuk maak;

⁴⁷ ut wiib' li b'ooyx, oob' li teelom karneer, oob' li teelom chib'aat ut oob' li kok' karneer aj junq chihab'eb' cho'q mayej re k'amok ib' sa' usilal rik'in li Yos. A'an a'in li xmayej laj Eliasaf, ralal laj Rewel.

⁴⁸ Sa' xwuq li kutan kimayejak li xjolomileb' laj Efraín, a'an laj Elisamá, ralal laj Amiud.

⁴⁹ Li mayej li kixk'e, a'an jun perpookil sek' yiib'anb'il rik'in plaat aj lajeeb' xwuqk'aal (130) chi tumin, ut jun sek' yiib'anb'il rik'in plaat aj lajeeb' xkaak'aal (70) chi tumin, jo' chanru xtz'aq li xtumin li artal, nujenaqeb' chi k'aj yoq'inb'il rik'in aseeyt, cho'q re li mayej re li ru li awimq.

⁵⁰ Kixmayeja ajwi' jun lekleb' yiib'anb'il rik'in oor aj lajeeb' chi tumin, nujenaq chi ensens;

⁵¹ jun ral wakax, jun chib'aat, jun karneer aj junq chihab' cho'q re li k'atb'il mayej;

⁵² jun teelom chib'aat cho'q mayej chirix li kuyuk maak,

⁵³ ut wiib' li b'ooyx, oob' li teelom karneer, oob' li teelom chib'aat, ut oob' li kok' karneer aj junq chihab'eb' cho'q mayej re k'amok ib' sa' usilal rik'in li Yos.

⁵⁴ A'an a'in li xmayej laj Eliasaf, ralal laj Amiud.

⁵⁵ Li mayej li kixk'e, a'an jun perpookil sek' yiib'anb'il rik'in plaat aj lajeeb' xwuqk'aal (130) chi tumin, ut jun sek' yiib'anb'il rik'in plaat, aj lajeeb' xkaak'aal (70) chi tumin, jo' chanru xtz'aq li xtumin li artal, nujenaqeb' chi k'aj yoq'inb'il rik'in aseeyt, cho'q re li mayej re li ru li awimq.

⁵⁶ Kixmayeja ajwi' jun lekleb' yiib'anb'il rik'in oor aj lajeeb' chi tumin, nujenaq chi ensens;

⁵⁷ jun ral wakax, jun chib'aat, jun karneer aj junq chihab', cho'q re li k'atb'il mayej;

⁵⁸ jun teelom chib'aat cho'q mayej chirix li kuyuk maak;

⁵⁹ ut wiib' li b'ooyx, oob' li teelom karneer, oob' li teelom chib'aat ut oob' li kok' karneer aj junq chihab'eb' cho'q mayej re k'amok ib' sa' usilal rik'in li Yos. A'an a'in li xmayej laj Gamaliel, ralal laj Pedasur.

⁶⁰ Sa' xb'ele li kutan kimayejak li xjolomileb' laj Benjamín, a' laj Abidán, ralal laj Kidehoní.

⁶¹ Li mayej li kixk'e, a'an jun perpookil sek' yiib'anb'il rik'in plaat aj lajeeb' xwuqk'aal (130) chi tumin, ut jun sek' yiib'anb'il rik'in plaat, aj lajeeb' xkaak'aal (70) chi tumin, jo' chanru xtz'aq li xtumin li artal, nujenaqeb' chi k'aj yoq'inb'il rik'in aseeyt, cho'q re li mayej re li ru li awimq.

⁶² Kixmayeja ajwi' jun lekleb' yiib'anb'il rik'in oor aj lajeeb' chi tumin, nujenaq chi ensens;

⁶³ jun ral wakax, jun chib'aat, jun karneer aj junq chihab', cho'q re li k'atb'il mayej;

⁶⁴ jun teelom chib'aat cho'q mayej chirix li kuyuk maak;

⁶⁵ ut wiib' li b'ooyx, oob' li teelom karneer, oob' li teelom chib'aat ut oob' li kok' karneer aj junq chihab'eb' cho'q mayej re k'amok ib' sa' usilal rik'in li Yos. A'an a'in li xmayej laj Abidán, ralal laj Kidehoní.

⁶⁶ Sa' xlaje li kutan kimayejak li xjolomileb' laj Dan, a' laj Ajieser, ralal laj Amisaday.

⁶⁷ Li mayej li kixk'e, a'an jun perpookil sek' yiib'anb'il rik'in plaat aj lajeeb' xwuqk'aal (130) chi tumin, ut jun sek' yiib'anb'il rik'in plaat, aj lajeeb' xkaak'aal (70) chi tumin, jo' chanru xtz'aq li xtumin li artal, nujenaqeb' chi k'aj yoq'inb'il rik'in aseeyt, cho'q re li mayej re li ru li awimq.

⁶⁸ Kixmayeja ajwi' jun lekleb' yiib'anb'il rik'in oor aj lajeeb' chi tumin, nujenaq chi ensens;

⁶⁹ jun ral wakax, jun chib'aat, jun karneer aj junq chihab', cho'q re li k'atb'il mayej;

⁷⁰ jun teelom chib'aat cho'q mayej chirix li kuyuk maak;

⁷¹ ut wiib' li b'ooyx, oob' li teelom karneer, oob' li teelom chib'aat ut oob' li kok' karneer aj junq chihab'eb' cho'q mayej re k'amok ib' sa' usilal rik'in li Yos. A'an a'in li xmayej laj Ajieser, ralal laj Amisaday.

⁷² Sa' li xjunlaju kutan kimayejak li xjolomileb' laj Aser, a' laj Pakiel, ralal laj Okrán.

⁷³ Li mayej li kixk'e, a'an jun perpookil sek' yiib'anb'il rik'in plaat aj lajeeb' xwuqk'aal (130) chi tumin, ut jun sek' yiib'anb'il rik'in plaat, aj lajeeb' xkaak'aal (70) chi tumin, jo' chanru xtz'aq li xtumin li artal, nujenaqeb' chi k'aj yoq'inb'il rik'in aseeyt, cho'q re li mayej re li ru li awimq.

⁷⁴ Kixmayeja ajwi' jun lekleb' yiib'anb'il rik'in oor aj lajeeb' chi tumin, nujenaq chi ensens;

⁷⁵ jun ral wakax, jun chib'aat, jun karneer aj junq chihab', cho'q re li k'atb'il mayej;

⁷⁶ jun teelom chib'aat cho'q mayej chirix li kuyuk maak;

⁷⁷ ut wiib' li b'ooyx, oob' li teelom karneer, oob' li teelom chib'aat ut oob' li kok' karneer aj junq chihab'eb' cho'q mayej re k'amok ib' sa' usilal rik'in li Yos. A'an a'in li xmayej laj Pakiel, ralal laj Okrán.

⁷⁸ Sa' xkab'laju li kutan kimayejak li xjolomileb' laj Neftalí, a' laj Ajirá, ralal laj Enán.

⁷⁹ Li mayej li kixk'e, a'an jun perpookil sek' yiib'anb'il rik'in plaat aj lajeeb' xwuqk'aal (130) chi tumin, ut jun sek' yiib'anb'il rik'in plaat, aj lajeeb' xkaak'aal (70) chi tumin, jo' chanru xtz'aq li xtumin li artal, nujenaqeb' chi k'aj yoq'inb'il rik'in aseeyt, cho'q re li mayej re li ru li awimq.

⁸⁰ Kixmayeja ajwi' jun lekleb' yiib'anb'il rik'in oor aj lajeeb' chi tumin, nujenaq chi ensens;

⁸¹ jun ral wakax, jun chib'aat, jun karneer aj junq chihab', cho'q re li k'atb'il mayej;

⁸² jun teelom chib'aat cho'q mayej chirix li kuyuk maak;

⁸³ ut wiib' li b'ooyx, oob' li teelom karneer, oob' li teelom chib'aat ut oob' li kok' karneer aj junq chihab'eb' cho'q mayej re k'amok ib' sa' usilal rik'in li Yos. A'an a'in li xmayej laj Ajirá, ralal laj Enán.

⁸⁴ A'an a'in xk'ihal li xmayejeb' li xjolomileb' laj Israel, sa' li kutan naq kisantob'resiik li artal: kab'laju chi perpookil sek', kab'laju chi sek' yiib'anb'ileb' rik'in plaat ut kab'laju chi lekleb' yiib'anb'ileb' rik'in oor.

⁸⁵ Li junjunq chi perpookil sek' a'an aj lajeetq xwuqk'aal (70) chi tumin. Li xtz'aq chixjunil li mayej a'in, a'an waqib' o'q'ob' (2,400), jo' chanru xtz'aq li xtumin li artal.

⁸⁶ Eb' li lekleb' yiib'anb'il rik'in oor a'an kab'laju, nujenaqeb' chi ensens, aj lajeetq chi tumin, jo' chan ru tz'aq xtumin li artal. Chixjunil a'an: waqk'aal (120) chi tumin.

⁸⁷ Li xk'ikal li ketomq ke'k'ehe'k cho'q re li k'atb'il mayej a'aneb' a'in: kab'laju li saaj wakax, kab'laju li chib'aat, kab'laju li karneer aj junq chihab'eb', chixjunileb' rochb'een li k'aj; ut kab'laju li mayej karneer re li kuyuk maak.

⁸⁸ Li xk'ihal li ketomq ke'mayejaak re li k'amok ib' sa' usilal rik'in li Yos a'an a'in: kaahib' xka'k'aal (24) li saaj wakax, oxk'aal (60) li teelom karneer, oxk'aal li teelom chib'aat ut oxk'aal li kok' karneer aj junq chihab'eb'. A'an a'in li mayej kiq'axtesiik naq li artal kiyuleek rik'in aseeyt ut kisantob'resiik.

⁸⁹ Naq laj Moisés ki'ok sa' li Loq'laj Na'ajej re aatinak rik'in li Qaawa', kirab'i li xyaab' xkux sa' xb'een li xtz'apb'al xb'een li xLoq'laj Kaaxil li Sumwank, sa' xyanqeb' li wiib' chi kerubín. Tojo' naq ki'aatinak rik'in li Qaawa'.