Nehemías 7 - Q'eqchi Bible

Laj Nehemías kixxaqab'eb' li te'k'anjelaq

¹ Naq ak xyaalo'k li suttz'ak ut k'eeb'ileb' chik sa' xna'ajeb' li tz'apb'a-okeb'aal, ke'xaqab'aak chi k'anjelak eb' laj k'aak'alenel, laj b'ichanel ut laj Leví.

² Kinxaqab'eb' chi xjolominkil Jerusalén laj Jananí li wiitz'in jo' ajwi' laj Jananías, xjolomil li kawub'resinb'il na'ajej, xb'aan naq a'an tiik xch'ool ut q'axal naxxiwa ru li Yos.

³ Ut kinye reheb': “Ink'a' taateemanq li rokeb'aal Jerusalén toj reetal taa'ok chi tiqwok li saq'e. Ut taatz'apmanq ut taanat'manq rix chi us naq toj wanqeb' laj k'aak'alenel. Xaqab'omaqeb' aj k'aak'alenel sa' xyanqeb' laj Jerusalén, wan te'kanaaq sa' li k'aak'aleb'aal ut wankeb' chik chiru li rochocheb'”.

⁴ Q'axal nim li tenamit Jerusalén, ab'an ink'a' k'iheb' li wankeb' aran, xb'aan naq toj maji' yiib'anb'ileb' chixjunileb' li kab'l.

A'an a'in xk'ihaleb' li ke'sutq'iik chaq

⁵ Toja' naq li Yos kixk'ut chiwu naq tento teb'inch'utub' li xninqaleb' ru winq, eb' laj k'amol b'e ut chixjunileb' li tenamit re xtz'iib'ankil li xk'ab'a'eb'. Kintaw li hu tz'iib'anb'il wi' xk'ab'a'eb' li ke'sutq'iik chaq xb'enwa, ut aran tz'iib'anb'il chi jo'ka'in:

⁶ “A'an a'in xk'ab'a'eb' laj Israel li ke'k'ame'k chi preexil xb'aan laj Nabukodonosor, awab'ej re Babilonia, ut ke'sutq'iik wi' chik Jerusalén ut Judá, ak sa' xna'aj xna'aj li junjunq.

⁷ Ke'sutq'iik chaq rochb'een laj Sorobabel, laj Josué, laj Nehemías, laj Asarías, laj Rahamías, laj Najamaní, laj Mardokeo, laj Bilsán, laj Mispar, laj Bikbay, laj Nejún ut laj Bahaná. A'an a'in xk'ihaleb' li xwinqilaleb' li tenamit Israel:

⁸ “Li xk'ihaleb' laj Parós, a'an kab'laju xb'eleek'aal xwaq o'q'ob' (2,172) chi winq;

⁹ li xk'ihaleb' laj Sefatías, a'an kab'laju xb'eleelajuk'aal (372) chi winq;

¹⁰ li xk'ihaleb' laj Araj, a'an kab'laju roxlajuk'aal xkab' o'q'ob' (652) chi winq;

¹¹ li xk'ihaleb' laj Pajat-Mohab, sa' xk'ab'a'eb' laj Josué ut laj Johab, a'an waqxaqlaju xwaqxaq o'q'ob' (2,818) chi winq;

¹² li xk'ihaleb' laj Elam, a'an kaalaju roxk'aal xka o'q'ob' (1,254) chi winq;

¹³ li xk'ihaleb' laj Satú, a'an oob' roxk'aal rox o'q'ob' (845) chi winq;

¹⁴ li xk'ihaleb' laj Sakay, a'an waqxaqlajuk'aal xkab' o'q'ob' (760) chi winq;

¹⁵ li xk'ihaleb' laj Binuy, a'an waqxaqib' roxlajuk'aal xkab' o'q'ob' (648) chi winq;

¹⁶ li xk'ihaleb' laj Bebay, a'an waqxaqib' xkab'lajuk'aal xkab' o'q'ob' (628) chi winq;

¹⁷ li xk'ihaleb' laj Askad, a'an wiib' xwuqlajuk'aal xwaq o'q'ob' (2,322) chi winq;

¹⁸ li xk'ihaleb' laj Adonikán, a'an wuqub' xkaalajuk'aal xkab' o'q'ob' (667) chi winq;

¹⁹ li xk'ihaleb' laj Bikbay, a'an wuqub' xkaak'aal xwaq o'q'ob' (2,067) chi winq;

²⁰ li xk'ihaleb' laj Adín, a'an o'laju roxlajuk'aal xkab' o'q'ob' (655) chi winq;

²¹ li xk'ihaleb' laj Ater, xkomoneb' laj Esekías, a'an waqxaqlaju ro'k'aal (98) chi winq;

²² li xk'ihaleb' laj Asún, a'an waqxaqib' xwuqlajuk'aal (328) chi winq;

²³ li xk'ihaleb' laj Besay, a'an kaahib' xwuqlajuk'aal (324) chi winq;

²⁴ li xk'ihaleb' laj Jarif, a'an kab'laju xwaqk'aal (112) chi winq;

²⁵ li xk'ihaleb' laj Gabahón, a'an o'laju ro'k'aal (95) chi winq;

²⁶ li xk'ihaleb' laj Belén ut laj Netofá, a'an waqxaqib' xlajeek'aal (188) chi winq;

²⁷ li xk'ihaleb' laj Anatot, a'an waqxaqib' xwuqk'aal (128) chi winq;

²⁸ li xk'ihaleb' laj Bet-Asmábet, a'an wiib' roxk'aal (42) chi winq;

²⁹ li xk'ihaleb' laj Kiryat-Yeharín, eb' laj Kefirá ut laj Beherot, a'an oxib' xwaqxaqlajuk'aal xkab' o'q'ob' (743) chi winq;

³⁰ li xk'ihaleb' laj Ramá ut laj Keba, a'an jun xkab'lajuk'aal xkab' o'q'ob' (621) chi winq;

³¹ li xk'ihaleb' laj Mikmás, a'an wiib' xwuqk'aal (122) chi winq;

³² li xk'ihaleb' laj Betel ut laj Ay, a'an oxib' xwuqk'aal (123) chi winq;

³³ li xk'ihaleb' laj Nebo, a'an kab'laju roxk'aal (52) chi winq;

³⁴ li xk'ihaleb' laj Elam jun chik, a'an kaalaju roxk'aal xka o'q'ob' (1,254) chi winq;

³⁵ li xk'ihaleb' laj Jarín, a'an waqlajuk'aal (320) chi winq;

³⁶ li xk'ihaleb' laj Jerikó, a'an oob' xwaqxaqlajuk'aal (345) chi winq;

³⁷ li xk'ihaleb' laj Lod, eb' laj Jadid ut laj Onó, a'an jun xwuqlajuk'aal xkab' o'q'ob' (721) chi winq;

³⁸ li xk'ihaleb' laj Senahá, a'an oxib' mil rik'in lajeeb' xwuqk'aal rox o'q'ob' (3,930) chi winq.

³⁹ Eb' laj tij: li xk'ihaleb' laj Jedaías, sa' li xjunkab'al laj Josué, a'an oxlaju xb'eleek'aal rox o'q'ob' (973) chi winq;

⁴⁰ li xk'ihaleb' laj Imer, a'an kab'laju roxlajuk'aal rox o'q'ob' (1,052) chi winq;

⁴¹ li xk'ihaleb' laj Pasjur, a'an wuqub' roxk'aal xka o'q'ob' (1,247) chi winq;

⁴² li xk'ihaleb' laj Jarín, a'an wuqlaju xjunlajuk'aal rox o'q'ob' (1,017) chi winq.

⁴³ “Eb' laj Leví: li xk'ihaleb' laj Josué ut laj Kadmiel, sa' li xjunkab'al laj Hodabías, a'an kaalaju xkaak'aal (74) chi winq.

⁴⁴ “Eb' laj b'ichanel: li xk'ihaleb' laj Asaf, a'an waqxaqib' xwaqxaqk'aal (148) chi winq.

⁴⁵ “Eb' laj ilol okeb'aal: li xk'ihaleb' laj Salún, laj Ater, eb' laj Talmón, eb' laj Akub, eb' laj Atitá, eb' laj Sobay, a'an waqxaqlaju xwuqk'aal (138) chi winq.

⁴⁶ “Eb' laj k'anjel sa' rochoch li Yos, a'aneb' laj Sijá, eb' laj Jasufá, eb' laj Tabahot,

⁴⁷ eb' laj Kerós, eb' laj Siahá, eb' laj Padón,

⁴⁸ eb' laj Lebaná, eb' laj Jakabá, eb' laj Salmay,

⁴⁹ eb' laj Janán, eb' laj Kidel, eb' laj Kajar,

⁵⁰ eb' laj Rehaías, eb' laj Resín, eb' laj Nekodá,

⁵¹ eb' laj Kasán, eb' laj Usá, eb' laj Paséhaj,

⁵² eb' laj Besay, eb' laj Mehunim, eb' laj Nefusim,

⁵³ eb' laj Bakbuk, eb' laj Jakufá, eb' laj Jarjur,

⁵⁴ eb' laj Baslit, eb' laj Mejidá, eb' laj Jarsá,

⁵⁵ eb' laj Barkós, eb' laj Sisrá, eb' laj Témaj,

⁵⁶ eb' laj Nesíaj, eb' laj Jatifá.

⁵⁷ “Eb' li ralal xk'ajoleb' laj k'anjel chiru laj Salomón, a'aneb' laj Sotay, eb' laj Soféret, eb' laj Perudá,

⁵⁸ eb' laj Yahalá, eb' laj Darkón, eb' laj Kidel,

⁵⁹ eb' laj Sefatías, eb' laj Jatil, eb' laj Pokéret-Hasebáhin, eb' laj Amón.

⁶⁰ Li xk'ihaleb' li neke'k'anjelak sa' rochoch li Yos ut eb' li ralal xk'ajoleb' laj k'anjel chiru laj Salomón, a'an kab'laju ro'q'ob' (392) chi winq.

⁶¹ “Ut a'aneb' a'in li ke'chalk Tel-Mélaj, Tel-Jarsá, Kerub, Adón ut Imer, ab'anan ink'a' ke'ruhank chi xk'utb'al ma a'aneb' tz'aqal aj Israel:

⁶² li xk'ihaleb' laj Delaías, eb' laj Tobías, eb' laj Nekodá, a'an wiib' roxlajuk'aal xkab' o'q'ob' (642) chi winq.

⁶³ Eb' laj tij: a'aneb' laj Jobaías, eb' laj Hakós, eb' laj Barsilay aj Galahad (li kisumlaak rik'in jun reheb' li xrab'in laj Barsilay aj Galahad ut kixto'oni li xk'ab'a').

⁶⁴ Eb' a'an kisik'e'k xk'ab'a'eb' sa' xhuhil li xyo'lajikeb', ab'an moko kitawe'k ta. Jo'kan naq ke'isiik sa' xyanqeb' laj tij.

⁶⁵ Laj taqlanel sa' xb'een li tenamit kixram chiruheb' xtzekankil li k'aru jwal loq' toj reetal junaq aj tij taatz'iloq aatin chirix a'in rik'in li Urim ut li Tumim.

⁶⁶ “Li xk'ihaleb' chixjunil li komonil, a'an wiib' roxk'aal mil rik'in waqxaqlajuk'aal (42,360) chi poyanam,

⁶⁷ ink'a' k'eeb'ileb' sa' ajl li winq ut li ixq aj k'anjel chiruheb' (a'aneb' wuqub' mil rik'in wuqlaju xwuqlajuk'aal: 7,337) ut eb' laj b'ichanel, jo' winq ut ixq (a'aneb' oob' roxlajuk'aal: 245).

⁶⁸ Wankeb' waqlaju xwuqlajuk'aal xkab' o'q'ob' (736) chi kawaay, oob' roxlajuk'aal (245) chi muul,

⁶⁹ o'laju xka'k'aal xkab' o'q'ob' (435) chi kameey ut waqib' mil rik'in waqlajuk'aal xkab' o'q'ob' (6,720) chi b'uur.

⁷⁰ “Wan reheb' li xjolomileb' li junkab'al ke'kub'sink cho'q re li k'anjel. Laj taqlanel sa' xb'een li tenamit kixq'axtesi numenaq wuqlaju liib'r chi oor, lajeeb' roxk'aal chi uk'leb' sek' ut lajeeb' xka'k'aal raq'eb' laj tij, cho'q re li rochoch li Yos.

⁷¹ Eb' li xjolomileb' junkab'al ke'xq'axtesi re li rochoch li Yos kab'laju xwaqxaqlajuk'aal (352) liib'r chi oor ut wiib' xkaalajuk'aal xwuq o'q'ob' (2,662) liib'r chi plaat.

⁷² Ut chixjunil li tenamit ke'xk'e kab'laju xwaqxaqlajuk'aal (352) liib'r chi oor, junmay xwuq o'q'ob' (2,420) liib'r chi plaat ut wuqub' xkaak'aal (67) raq'eb' laj tij.

⁷³ “Eb' laj tij, eb' laj Leví, eb' laj ilol rokeb'aal li rochoch li Yos, eb' laj b'ichanel, eb' laj k'anjel sa' rochoch li Yos ut chixjunileb' chik aj Israel koxe'na'ajunq sa' li xtenamiteb', ak xtenamit xtenamit li junjunq”.