Josué 12 - Q'eqchi Bible

Eb' li awab'ej li ke'q'axe'k ru xb'aan laj Moisés ut laj Josué

¹ A'aneb' a'in li awab'ej li ke'q'axe'k ru xb'aaneb' laj Israel junpak'al li nima' Jordán, sa' xjayal releb'l saq'e. A'aneb' a'in chixjunileb' li na'ajej reechanihomeb' laj Israel: natiklaak wan wi' li nima' Arnón ut nawulak toj sa' li tzuul Hermón rochb'een chixjunil Arabá, li wank sa' xjayal releb'l saq'e:

² Laj Sijón, awab'ej re Amor, li kiwank chaq Jesbón. A'an ki'awab'ejink chalen chaq Aroher, chire li nima' Arnón, ut chalen li xyiijachil li ru taq'a jo'wi' li xyiijachil li na'ajej Galahad toj wan wi' li nima' Yabok, b'arwi' natiklaak li xch'och'eb' laj Amón.

³ Ki'awab'ejink ajwi' sa' xb'een Arabá, sa' rokeb'l li saq'e, toj sa' li palaw re Genesaret ut toj wan wi' li Atz'aminb'il Palaw, sa' xb'ehil Bet-Yesimot, toj nawulak sa' xtoon li tzuul Piská, sa' rokeb'l li iq'.

⁴ Laj Og, awab'ej re Basán, a'an jun xkomoneb' laj Refait. A'an kiwank aran Astarot ut Edreí,

⁵ ut ki'awab'ejink sa' xb'een li tzuul Hermón ut Salká, jo' ajwi' sa' xb'een chixjunil Basán, toj sa' xnub'ajleb' laj Jesur ut laj Mahaká, jo'wi' sa' xb'een li xyiijachil Galahad toj sa' xnub'ajl laj Sijón, awab'ej re Jesbón.

⁶ Laj Moisés, laj k'anjel chiru li Qaawa', ut eb' laj Israel ke'xq'ax ruheb' li awab'ej a'in, ut laj Moisés, laj k'anjel chiru li Qaawa', kixk'e li na'ajej a'in chi reechaniheb' laj Rubén, laj Gad ut li xyiijachil xteepal laj Manasés.

⁷ A'aneb' a'in li awab'ej q'axb'ileb' ru xb'aan laj Josué ut xb'aaneb' laj Israel sa' xjayal rokeb'l saq'e, junpak'al li nima' Jordán, chalen chaq Bahal Gad, sa' xtaq'ahil Líbano, toj wan wi' li T'ojochil Tzuul li wank sa' xb'een Seír. Laj Josué kixjek'i li xch'och'eb' li awab'ej a'an cho'q reheb' li xteepaleb' laj Israel, a' yaal k'aru li xmaatan li junjunq. Kixk'e cho'q reechanihomeb':

⁸ eb' li tzuul, li ru taq'a, li Arabá, li na'ajej wank chi xtoonal li tzuul, li chaqich'och' ut li Nejeb. Sa' chixjunil li na'ajej a'in ke'wank xb'enwa eb' laj Hit, eb' laj Amor, eb' laj Kanahán, eb' laj Perés, eb' laj Jib ut eb' laj Jebús.

⁹ Eb' li awab'ej ke'q'axe'k ru a'aneb' a'in: li awab'ej re Jerikó, li awab'ej re Ay li wank chi xk'atq Betel,

¹⁰ li awab'ej re Jerusalén, li awab'ej re Hebrón,

¹¹ li awab'ej re Yarmut, li awab'ej re Lakix,

¹² li awab'ej re Eklón, li awab'ej re Késer,

¹³ li awab'ej re Debir, li awab'ej re Kéder,

¹⁴ li awab'ej re Jormá, li awab'ej re Arad,

¹⁵ li awab'ej re Libná, li awab'ej re Adulán,

¹⁶ li awab'ej re Makedá, li awab'ej re Betel,

¹⁷ li awab'ej re Tapúhaj, li awab'ej re Jéfer,

¹⁸ li awab'ej re Afek, li awab'ej re Sarón,

¹⁹ li awab'ej re Merón, li awab'ej re Jasor,

²⁰ li awab'ej re Simrón-Merón, li awab'ej re Aksap,

²¹ li awab'ej re Tanak, li awab'ej re Mejido,

²² li awab'ej re Kadés, li awab'ej re Yoknehán, aran Karmelo,

²³ li awab'ej re Dor, sa' li na'ajej Dor, li awab'ej re Gohin, aran Galilea,

²⁴ li awab'ej re Tirsá. Junlaju xka'k'aaleb' li awab'ej li ke'q'axe'k ru xb'aaneb' laj Israel.