Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

Hebreos 10 - Q'eqchi Bible


Li Kriist a'an li tz'aqal mayej

1 Li xChaq'rab' laj Moisés a'an yal xmuheel li sahilal toj chaalel, maawa' a'an li tz'aqal yaal. Jo'kan naq, ka'ajwi' rik'in li mayejak li na'uxmank rajlal chihab', li Chaq'rab' maajoq'e truuq xchaab'ilob'resinkil chi tz'aqal re ru li xyu'ameb' li neke'jilok chi xk'atq li Yos.

2 Wi ta li Chaq'rab' naru risinkil li xmaakeb', ma ink'a' raj ak xe'xkanab' mayejak chiru li Yos? Relik chi yaal, wi ta ak ch'ajob'resinb'ileb' chi junajwa, ink'a' raj chik neke'reek'a naq toj wankeb' xmaak.

3 Li xyaalal li mayejak neke'xb'aanu, a'an re xjultikankil chiruheb' rajlal chihab' naq wankeb' xmaak,

4 xb'aan naq li xkik'eleb' li wakax ut eb' li teelom chib'aat ink'a' naruhank risinkil li maak.

5 Jo'kan naq li Kriist, naq ki'ok chaq sa' ruuchich'och', kixye: “Mayejak ut yeechi'ink ink'a' xawaj; ab'an xak'uub' intz'ejwal.

6 K'atb'il xul ut mayej chirix li maak ink'a' xwulak chawu.

7 Toja' naq xinye: «We'kin arin chi xb'aanunkil laawajom, at inYos, jo' tz'iib'anb'il chaq chiwix sa' li b'otb'ookil Hu»”.

8 Kixye xb'enwa: “Mayejak ut yeechi'ink, k'atb'il xul ut mayej chirix li maak ink'a' xawaj chi moko xwulak chawu”, us ta chixjunil a'in mayejanb'il jo' chanru naxye li Chaq'rab'.

9 Moqon chik kixye ajwi': “We'kin arin chi xb'aanunkil laawajom”. Rik'in a'in naxsach li xb'een re xxaqab'ankil li xkab'.

10 Ut rik'in li rajom xch'ool li Yos santob'resinb'ilo chiqajunilo sa' xk'ab'a' naq li Jesukriist kixmayeja rib' chi junwaakaj.

11 Relik chi yaal naq chixjunileb' laj tij yookeb' sa' li xk'anjeleb' wulaj wulaj, yookeb' chi xyeechi'inkil k'iila sut eb' li mayej li maajoq'e te'ruhanq risinkileb' li maak.

12 Ut li Kriist jun ajwi' chi mayej kixyeechi'i; chirix a'an kik'ojlaak chi junajwa sa' xnim uq' li Yos,

13 yo chi royb'eninkil naq taawulaq xq'ehil naq te'k'ehe'q rub'el roq eb' li xik' neke'ilok re.

14 Relik chi yaal naq sa' xk'ab'a' li jun chi mayej kixtz'aqob'resiheb' ru chi junajwa eb' li yo xsantob'resinkileb'.

15 Li Santil Musiq'ej naxch'olob' xyaalal chixjunil a'in, xb'aan naq xb'enwa naxye:

16 “A'an a'in li Sumwank tink'ojob' rik'ineb', chirixeb' li kutan a'an, chan li Qaawa': Tink'eheb' linchaq'rab' sa' li xch'ooleb', ut tintz'iib'a sa' xk'a'uxeb'”.

17 Chirix chik a'an naxye ajwi': “Ut maajoq'e chik tjultiko'q we li xmaakeb' ut li xmaa'usilaleb'”.

18 Us b'i', b'arwi' kuyb'il sachb'il chixjunil a'an, ink'a' chik nawank mayejak chirix li maak.


Qachapaq qib' chi kaw rik'in li qapaab'aal

19 Ex was wiitz'in, ch'olch'o chiqu li ok sa' li Santil Na'ajej sa' xk'ab'a' xkik'el li Jesus,

20 xb'aan naq wank jun ak' ut yo'yookil b'e kixte cho'q qe sa' li t'ikr, naraj naxye sa' li xjunxaqalil.

21 Wank ajwi' jun xnimal ru aj tij qik'in sa' xb'een li rochoch li Yos.

22 Jiloqo b'i' chi xk'atq chi anchal qach'ool, chi anchal qapaab'aal, ch'ajob'resinb'ilaq li qach'ool chiru li ink'a' us ut ch'ajb'ilaqo rik'in saq ru ha'.

23 Qachapaq qib' chi kaw rik'in li qoyb'enihom li naqach'olob', xb'aan naq li Yos naxk'e li b'arwan naxyeechi'i.

24 Chiqilaq qib' chiqib'il qib' re xk'eeb'al xkawub' qach'ool chi rahok jo'wi' chi xb'aanunkil li chaab'il k'anjel.

25 Miqakanab' li qach'utam: wankeb' k'aynaqeb' xb'aanunkil chi jo'kan. Qawaklesihaq b'an qach'ool chiqib'il qib', ut q'axal chik anaqwan naq nekeril naq yo chaq chi nach'ok li Kutan.

26 Xb'aan naq ak xqanaw li yaal; ut wi nokoomaakob'k wi' chik chi yal traj qach'ool, maak'a' chik aj e li mayejak chirix li maak,

27 ka'aj b'an chik li raqb'a aatin xiwajel royb'eninkil ut li xam k'ajo' xtiqwal, yo'oon wank re xsachb'aleb' li ink'a' neke'raj paab'ank.

28 Wi ani naxq'et li xChaq'rab' laj Moisés, nekenaw naq teneb'anb'il li kamk sa' xb'een chi maak'a' chik ruxtaanankil ru, rik'in raatineb' wib' oxib'aq chi testiiw.

29 Ma ink'a' nekek'oxla naq numtajenaq chik ra tixk'ul li ani xyeq'i sa' roq li Ralal li Yos, a' li xtz'eqtaana xkik'elil li Sumwank li xsantob'resiik wi', jo' ajwi' xmajewa li Musiq'ej nak'ehok li usilal?

30 Xb'aan naq naqanaw ru li kiyehok: “We li eeqajunk; laa'in tink'e reheb' li xk'ulub'eb'”. Kixye ajwi': “Li Qaawa' taaraqoq aatin sa' xb'een li xtenamit”.

31 Q'axal xiwajel li t'ane'k sa' ruq' li yo'yookil Yos!

32 Chiwanq sa' eech'ool li kutan xe'numje'k chaq naq xek'ul chaq leekutanob'resinkil, ut chirix a'an xekuy naab'al li rahilal sa' jun nimla yaleek ix.

33 Wankeb' sa' eeyanq xe'hob'e'k ut xe'rahob'tesiik chiruheb' li tenamit. Wank xe'raj tz'aqonk sa' li xrahilaleb' li xe'xk'ul a'an.

34 Laa'ex xewotz chaq xrahilaleb' li xe'wank sa' tz'alam, ut chi sa sa' eech'ool xekuy ajwi' naq xmaq'e'k li k'aru eere, xb'aan naq nekenaw naq sa' choxa wank eeb'ihomal q'axal chik loq' ut ink'a' taalajq taa'oso'q.

35 Anaqwan b'i', kawaq taxaq eech'ool sa' leepaab'aal xb'aan naq chi jo'kan teek'ul xnimal eeq'ajkamunkil.

36 Na'ajmank ru naq wanq eekuyum sa' li rahilal re xb'aanunkil li rajom li Yos ut xk'ulb'al li k'aru yeechi'inb'il chaq xb'aan.

37 Xb'aan naq naxye li Santil Hu: “Toj kach'in chik, yal ink'a' chik k'iila kutan, ut li chalk re taachalq, ink'a' taab'ayq chaq.

38 Li tiik xch'ool chiwu taawanq xyu'am xb'aan li xpaab'aal; a'ut wi tixkanab' inpaab'ankil, ink'a' taasaho'q inch'ool rik'in”, chan li Yos.

39 Ab'anan laa'o moko jo'ko ta li neke'xiwak ut neke'xik sa' li sachleb'aal, aj paab'anelo b'an re xkolb'al li qayu'am.

Q'eqchi DC Bible © Bible Society in Guatemala, 2005.

Bible Society in Guatemala
ကြှနျုပျတို့နောကျလိုကျပါ:



ကြော်ငြာတွေ