Esdras 2 - Q'eqchi Bible

Li xk'ab'a'eb' li ke'sutq'iik wi' chik Jerusalén

¹ A'an a'in xk'ab'a'eb' laj Israel li ke'k'ame'k chi preexil xb'aan laj Nabukodonosor, li awab'ej re Babilonia, ut ke'sutq'iik wi' chik Jerusalén ut Judá, ak sa' xna'aj xna'aj li junjunq.

² Ke'sutq'iik chaq rochb'een laj Sorobabel, laj Josué, laj Nehemías, laj Seraías, laj Rehelaías, laj Najamaní, laj Mardokeo, laj Bilsán, laj Mispar, laj Bikbay, laj Rejún ut laj Bahaná.

³ Li xk'ihaleb' laj Parós, a'an kab'laju xb'eleek'aal xwaq o'q'ob' (2,172) chi winq;

⁴ li xk'ihaleb' laj Sefatías, a'an kab'laju xb'eleelajuk'aal (372) chi winq;

⁵ li xk'ihaleb' laj Araj, a'an o'laju xb'eleelajuk'aal xkab' o'q'ob' (775) chi winq;

⁶ li xk'ihaleb' laj Pajat-Mohab, xkomoneb' laj Josué ut laj Johab, a'an kab'laju xwaqxaq o'q'ob' (2,812) chi winq;

⁷ li xk'ihaleb' laj Elam, a'an kaalaju roxk'aal xka o'q'ob' (1,254) chi winq;

⁸ li xk'ihaleb' laj Satú, a'an oob' xwaqxaqk'aal rox o'q'ob' (945) chi winq;

⁹ li xk'ihaleb' laj Sakay, a'an waqxaqlajuk'aal xkab' o'q'ob' (760) chi winq;

¹⁰ li xk'ihaleb' laj Baní, a'an wiib' roxlajuk'aal xkab' o'q'ob' (642) chi winq;

¹¹ li xk'ihaleb' laj Bebay, a'an oxib' xkab'lajuk'aal xkab' o'q'ob' (623) chi winq;

¹² li xk'ihaleb' laj Askad, a'an wiib' xka'k'aal xka o'q'ob' (1,222) chi winq;

¹³ li xk'ihaleb' laj Adonikán, a'an waqib' xkaalajuk'aal xkab' o'q'ob' (666) chi winq;

¹⁴ li xk'ihaleb' laj Bikbay, a'an waqlaju roxk'aal xwaq o'q'ob' (2,056) chi winq;

¹⁵ li xk'ihaleb' laj Adín, a'an kaalaju roxk'aal xkab' o'q'ob' (454) chi winq;

¹⁶ li xk'ihaleb' laj Ater, xkomoneb' laj Esekías, a'an waqxaqlaju ro'k'aal (98) chi winq;

¹⁷ li xk'ihaleb' laj Besay, a'an oxib' xwuqlajuk'aal (323) chi winq;

¹⁸ li xk'ihaleb' laj Jorá, a'an kab'laju xwaqk'aal (112) chi winq;

¹⁹ li xk'ihaleb' laj Asún, a'an oxib' xkab'lajuk'aal (223) chi winq;

²⁰ li xk'ihaleb' laj Kibar, a'an o'laju ro'k'aal (95) chi winq;

²¹ li xk'ihaleb' laj Belén, a'an oxib' xwuqk'aal (123) chi winq;

²² li xk'ihaleb' laj Netofá, a'an waqlaju roxk'aal (56) chi winq;

²³ li xk'ihaleb' laj Anatot, a'an waqxaqib' xwuqk'aal (128) chi winq;

²⁴ li xk'ihaleb' laj Bet-Asmábet, a'an wiib' roxk'aal (42) chi winq;

²⁵ li xk'ihaleb' laj Kiryat-Yeharín, eb' laj Kefirá ut laj Beherot, a'an oxib' xwaqxaqlajuk'aal xkab' o'q'ob' (743) chi winq;

²⁶ li xk'ihaleb' laj Ramá ut laj Keba, a'an jun xkab'lajuk'aal xkab' o'q'ob' (621) chi winq;

²⁷ li xk'ihaleb' laj Mikmás, a'an wiib' xwuqk'aal (122) chi winq;

²⁸ li xk'ihaleb' laj Betel ut eb' laj Ay, a'an oxib' xkab'lajuk'aal (223) chi winq;

²⁹ li xk'ihaleb' laj Nebo, a'an kab'laju roxk'aal (52) chi winq;

³⁰ li xk'ihaleb' laj Makbís, a'an waqlaju xwaqxaqk'aal (156) chi winq;

³¹ li xk'ihaleb' laj Elam jun chik, a'an kaalaju roxk'aal xka o'q'ob' (1,254) chi winq;

³² li xk'ihaleb' laj Jarín, a'an waqlajuk'aal (320) chi winq;

³³ li xk'ihaleb' laj Lod, eb' laj Jadid ut laj Onó, a'an oob' xwuqlajuk'aal xkab' o'q'ob' (725) chi winq;

³⁴ li xk'ihaleb' laj Jerikó, a'an oob' xwaqxaqlajuk'aal (345) chi winq;

³⁵ li xk'ihaleb' laj Senahá, a'an oxib' mil rik'in lajeeb' xkab'lajuk'aal xkab' o'q'ob' (3,630) chi winq.

³⁶ Eb' laj tij, xkomoneb' laj Jedaías, sa' li xjunkab'al laj Josué, a'aneb' oxlaju xb'eleek'aal rox o'q'ob' (973) chi winq;

³⁷ xkomoneb' laj Imer, a'aneb' kab'laju roxlajuk'aal rox o'q'ob' (1,052) chi winq;

³⁸ xkomoneb' laj Pasjur, a'aneb' wuqub' roxk'aal xka o'q'ob' (1,247) chi winq;

³⁹ xkomoneb' laj Jarín, a'aneb' wuqlaju xjunlajuk'aal rox o'q'ob' (1,017) chi winq.

⁴⁰ Eb' laj Leví, ralal xk'ajoleb' laj Josué ut laj Kadmiel, xkomoneb' laj Hodabías, a'aneb' kaalaju xkaak'aal (74) chi winq.

⁴¹ Eb' laj b'ichanel, ralal xk'ajoleb' laj Asaf, a'aneb' waqxaqib' xwuqk'aal (128) chi winq.

⁴² Eb' laj k'aak'alenel okeb'aal, xkomoneb' laj Salún, eb' laj Ater, eb' laj Talmón, eb' laj Akub, eb' laj Atitá, eb' laj Sobay, a'aneb' b'eleelaju xwuqk'aal (139) chi winq.

⁴³ Eb' laj k'anjel sa' rochoch li Yos, a'aneb' laj Sijá, eb' laj Jasufá, eb' laj Tabahot,

⁴⁴ eb' laj Kerós, eb' laj Siahá, eb' laj Padón,

⁴⁵ eb' laj Lebaná, eb' laj Jakabá, eb' laj Akub,

⁴⁶ eb' laj Jakab, eb' laj Salmay, eb' laj Janán,

⁴⁷ eb' laj Kidel, eb' laj Kajar, eb' laj Rehaías,

⁴⁸ eb' laj Resín, eb' laj Nekodá, eb' laj Kasán,

⁴⁹ eb' laj Usá, eb' laj Paséhaj, eb' laj Besay,

⁵⁰ eb' laj Asná, eb' laj Mehunim, eb' laj Nefusim,

⁵¹ eb' laj Bakbuk, eb' laj Jakufá, eb' laj Jarjur,

⁵² eb' laj Baslit, eb' laj Mejidá, eb' laj Jarsá,

⁵³ eb' laj Barkós, eb' laj Sisrá, eb' laj Témaj,

⁵⁴ eb' laj Nesíaj, eb' laj Jatifá.

⁵⁵ Eb' li ralal xk'ajoleb' laj k'anjel chiru laj Salomón, a'aneb' laj Sotay, eb' laj Soféret, eb' laj Perudá,

⁵⁶ eb' laj Yahalá, eb' laj Darkón, eb' laj Kidel,

⁵⁷ eb' laj Sefatías, eb' laj Jatil, eb' laj Pokéret-Hasebáhin, eb' laj Amón.

⁵⁸ Chixjunileb' laj k'anjel sa' rochoch li Yos ut eb' li ralal xk'ajoleb' laj k'anjel chiru laj Salomón, a'aneb' kab'laju ro'q'ob' (392) chi winq.

⁵⁹ Ut a'aneb' a'in li ke'chalk Tel-Mélaj, Tel-Jarsá, Kerub, Adón ut Imer, ab'anan ink'a' ke'ruhank chi xk'utb'al ma a'aneb' tz'aqal aj Israel:

⁶⁰ eb' laj Delaías, eb' laj Tobías, eb' laj Nekodá. A'aneb' kab'laju roxlajuk'aal xkab' o'q'ob' (652) chi winq.

⁶¹ Eb' laj tij: a'aneb' laj Jobaías, eb' laj Hakós, eb' laj Barsilay (li kisumlaak rik'in jun reheb' li xrab'in laj Barsilay aj Galahad ut kixto'oni li xk'ab'a').

⁶² Eb' a'in ke'xtz'ili rix sa' xhuhil li xyo'lajikeb', ab'an ink'a' ke'tawe'k xk'ab'a'. Jo'kan naq ink'a' ke'ruuk ok cho'q aj tij.

⁶³ Ut laj taqlanel sa' xb'een li tenamit kixram chiruheb' xtzekankil li k'aru jwal loq' toj reetal junaq aj tij taapatz'oq chirixeb' rik'in li Urim ut li Tumim.

⁶⁴ Li xk'ihaleb' chixjunil li komonil, a'an wiib' roxk'aal mil rik'in waqxaqlajuk'aal (42,360) chi poyanam,

⁶⁵ chi ink'a' k'eeb'ileb' sa' ajl eb' li winq ut ixq li wankeb' chi moosil (a'aneb' wuqub' mil rik'in wuqlaju xwuqlajuk'aal: 7,337) ut eb' li lajeek'aal (200) chi aj b'ichanel winq ut ixq.

⁶⁶ Wankeb' waqlaju xwuqlajuk'aal xkab' o'q'ob' (736) chi kawaay, oob' roxlajuk'aal (245) chi muul,

⁶⁷ o'laju xka'k'aal xkab' o'q'ob' (435) chi kameey ut waqib' mil rik'in waqlajuk'aal xkab' o'q'ob' (6,720) chi b'uur.

⁶⁸ Sa' xyanqeb' li xjolomileb' junkab'al, wankeb' li ke'wulak sa' rochoch li Qaawa' aran Jerusalén ut ke'xyeechi'i xmayejeb' re li rochoch li Yos, re naq taakab'lamanq wi' chik tz'aqal sa' li xna'aj.

⁶⁹ A' yaal naxk'e rib' chiruheb', ke'xq'axtesi cho'q re li k'anjel a'an lajeeb' xkab'lajuk'aal rox o'q'ob' (1,030) liib'r chi oor, oob' mil liib'r chi plaat ut o'k'aal chi raq' aj tij.

⁷⁰ Wankeb' sa' xyanqeb' li tenamit ke'na'ajunk Jerusalén. Jo'kan ajwi' ke'xb'aanu eb' laj tij ut eb' laj Leví. Ab'an eb' laj b'ichanel, eb' laj k'aak'alenel okeb'aal ut eb' laj k'anjel sa' rochoch li Yos ke'na'ajunk sa' li xtenamiteb'. Chixjunileb' laj Israel wankatqeb' sa' xtenamiteb' li junjunq.