1 Crónicas 2 - Q'eqchi Bible

Eb' li ralal xk'ajol laj Israel

¹ Eb' li ralal xk'ajol laj Israel a'aneb' a'in: laj Rubén, laj Simehón, laj Leví, laj Judá, laj Isakar, laj Sabulón,

² laj Dan, laj José, laj Benjamín, laj Neftalí, laj Gad ut laj Aser.

Eb' li ralal xk'ajol laj Judá

³ A'aneb' a'in li ralal xk'ajol laj Judá: laj Er, laj Onán ut laj Selá. Ut li xna'eb' li oxib' a'in, a'an li xrab'in laj Súa, Kanahán xtenamit. Ab'an laj Er, li xb'een ralal laj Judá, jwal yib' chaq ru xna'leb', ut li Qaawa' kirisi li xyu'am.

⁴ Lix Tamar, li ralib' laj Judá, kiwank wiib' li xyum rik'in laj Judá, a' laj Fares ut laj Séraj. Oob'eb' chixjunileb' li ralal laj Judá.

⁵ Eb' li ralal xk'ajol laj Fares a'aneb' a'in: laj Jesrón ut laj Jamul.

⁶ Eb' li ralal xk'ajol laj Séraj a'aneb' a'in: laj Simrí, laj Etán, laj Hemán, laj Kalkol ut laj Dardá, oob'eb' chixjunileb'.

⁷ Li ralal laj Karmí a'an laj Akar, a' li kik'amok chaq rahilal sa' xb'eeneb' laj Israel naq kixxok li k'a'aq re ru li taasachmanq raj chi junajwa li kixye li Yos.

⁸ Li ralal laj Etán a'an laj Asarías.

⁹ Eb' li ralal xk'ajol laj Jesrón a'aneb' a'in: laj Jerajmehel, laj Ram ut laj Kelubay.

¹⁰ Laj Ram a'an chaq xyuwa' laj Aminadab, ut laj Aminadab a'an chaq xyuwa' laj Najsón, aj jolominel reheb' li ralal xk'ajol laj Judá.

¹¹ Laj Najsón a'an chaq xyuwa' laj Salmá, ut laj Salmá a'an chaq xyuwa' laj Bohos.

¹² Laj Bohos a'an chaq xyuwa' laj Obed, ut laj Obeb a'an chaq xyuwa' laj Jesé.

¹³ Laj Eliab a'an chaq xb'een ralal laj Jesé; laj Abinadab a'an xkab', laj Simá a'an chaq li rox,

¹⁴ laj Natanael a'an chaq li xka, laj Raday a'an chaq li ro',

¹⁵ laj Osem a'an chaq li xwaq ut laj David a'an chaq li xwuq alalb'ej.

¹⁶ Eb' li ranab'eb', a'aneb' a'in: lix Sarbia ut lix Abigahil. Oxib'eb' li xyum lix Sarbia, a' laj Abisay, laj Johab ut laj Asahel.

¹⁷ Lix Abigahil kiwank jun xyum, a'an laj Amasá, ut li xyuwa' a'an laj Jéter, aj Ismael.

¹⁸ Laj Kaleb, ralal laj Jesrón, kiwank jun ralal rik'in lix Asubá li rixaqil, ut aj Jeriot xk'ab'a' kixk'e. Ut laj Jéser, laj Sobab ut laj Ardón, a'aneb' ajwi' li ralal.

¹⁹ Naq kikamk lix Asubá, laj Kaleb kisumlaak rik'in lix Efratá, ut kiwank jun ralal rik'in: a'an laj Jur.

²⁰ Laj Jur a'an chaq xyuwa' laj Urí, ut laj Urí a'an chaq xyuwa' laj Besalel.

²¹ Oxk'aal chihab' wank re laj Jesrón naq kisumlaak rik'in xrab'in laj Ma, a' li xyuwa' laj Galahad, ut kiwank jun ralal rik'in a'an, a' laj Sejub.

²² Laj Sejub a'an chaq xyuwa' laj Yaír, li kiwank oxib' xka'k'aal xtenamit sa' xteepal Galahad.

²³ Ab'anan eb' laj Jesur ut eb' laj Aram ke'reechaniheb' li tenamit Yaír, jo'wi' Kenat rochb'eeneb' li xk'aleb'aaleb', oxk'aal chi tenamit chixjunil. Chixjunileb' a'in, a'aneb' chaq li ralal xk'ajol laj Makir, xyuwa' laj Galahad.

²⁴ Chirix li xkamik laj Jesrón, laj Kaleb kisumlaak rik'in lix Efratá, rixaqil laj Jesrón li xyuwa', ut kiwank jun ralal, a'an laj Axur, a'an chaq xyuwa' laj Tékoha.

²⁵ Eb' li ralal xk'ajol laj Jerajmehel, xb'een ralal laj Jesrón, a'aneb' a'in: laj Ram, li asb'ej, laj Buná, laj Oren, laj Osem ut laj Ajías.

²⁶ Laj Jerajmehel kiwank jun chik rixaqil, x'Atará xk'ab'a', a'an chaq xna' laj Onam.

²⁷ Eb' li ralal xk'ajol laj Ram, li xb'een ralal laj Jerajmehel, a'aneb' a'in: laj Mahás, laj Yamín ut laj Eker.

²⁸ Eb' li ralal xk'ajol laj Onam a'aneb' a'in: laj Samay ut laj Jadá. Eb' li ralal xk'ajol laj Samay a'aneb' a'in: laj Nadab ut laj Abisur.

²⁹ X'Abihahil xk'ab'a' li rixaqil laj Abisur, ut a'an chaq xna'eb' laj Ajbán ut laj Molid.

³⁰ Eb' li ralal xk'ajol laj Nadab a'aneb' laj Séled ut laj Apahim. Laj Séled kikamk chi maajun ralal xk'ajol.

³¹ Laj Apahim a'an chaq xyuwa' laj Isí. Laj Isí a'an chaq xyuwa' laj Sesán. Laj Sesán a'an chaq xyuwa' laj Ajlay.

³² Eb' li ralal xk'ajol laj Jadá, riitz'in laj Samay, a'aneb' a'in: laj Jéter ut laj Jonatán. Laj Jéter kikamk chi maajun ralal xk'ajol.

³³ Eb' li ralal xk'ajol laj Jonatán a'aneb' a'in: laj Pélet ut laj Sasá. A'aneb' chaq a'in li ralal xk'ajol laj Jerajmehel.

³⁴ Laj Sesán ink'a' kiwank ralal; junes xrab'in kiwank. Ab'anan kiwank jun xmun aj Ejiipt, aj Yarjá xk'ab'a',

³⁵ ut laj Sesán kixk'e jun xrab'in cho'q rixaqil laj Yarjá, ut ke'wank jun ralal, aj Atay xk'ab'a'.

³⁶ Laj Atay a'an chaq xyuwa' laj Natán, laj Natán a'an chaq xyuwa' laj Sabad,

³⁷ laj Sabad a'an chaq xyuwa' laj Eflal, laj Eflal a'an chaq xyuwa' laj Obed,

³⁸ laj Obed a'an chaq xyuwa' laj Jehú, laj Jehú a'an chaq xyuwa' laj Asarías,

³⁹ laj Asarías a'an chaq xyuwa' laj Jeles, laj Jeles a'an chaq xyuwa' laj Elasá,

⁴⁰ laj Elasá a'an chaq xyuwa' laj Sismay, laj Sismay a'an chaq xyuwa' laj Salún,

⁴¹ laj Salún a'an chaq xyuwa' laj Jekamías ut laj Jekamías a'an chaq xyuwa' laj Elisamá.

⁴² Eb' li ralal xk'ajol laj Kaleb, riitz'in laj Jerajmehel, a'aneb' a'in: laj Mesá, a' li xb'een alalb'ej, xyuwa' laj Sif, ut laj Maresá li xkab' ralal, xyuwa' laj Hebrón.

⁴³ A'aneb' a'in li ralal xk'ajol laj Hebrón: laj Koré, laj Tapúhaj, laj Rekem ut laj Sema.

⁴⁴ Laj Sema a'an chaq xyuwa' laj Ráhan, a' li xyuwa' laj Jorkoham; ut laj Rekem a'an chaq xyuwa' laj Samay.

⁴⁵ Laj Mahón a'an chaq ralal laj Samay ut xyuwa' laj Bet-Sur.

⁴⁶ Laj Kaleb kiwank wiib' li rixaqil: lix Efá ut li Mahaká. Lix Efá a'an chaq xna' laj Harán, laj Mosá ut laj Gases. Laj Harán a'an kixyuwa'ini laj Gases.

⁴⁷ A'aneb' a'in li ralal xk'ajol laj Jaday: laj Rekem, laj Jotán, laj Kesán, laj Pélet, laj Efá ut laj Sáhaf.

⁴⁸ Lix Mahaká a'an chaq xna' laj Séber ut laj Tirjaná.

⁴⁹ A'an ajwi' chaq xna' laj Sáhaf, a' li xyuwa' laj Madmaná, ut xna' laj Sebá, xyuwa' laj Makbená ut laj Kibehá. Laj Kaleb kiwank ajwi' jun xrab'in, x'Aksá xk'ab'a'.

⁵⁰ A'aneb' chaq a'in li ralal xk'ajol laj Kaleb. Eb' li ralal xk'ajol laj Jur, xb'een xyum lix Efratá, a'aneb' a'in: laj Sobal, xyuwa' laj Kiryat-Yeharín;

⁵¹ laj Salmá, xyuwa' laj Belén ut laj Járef, xyuwa' laj Bet-Gader.

⁵² A'aneb' a'in li ralal xk'ajol laj Sobal, xyuwa' laj Kiryat-Yeharín: laj Harohé, li xyiijacheb' laj Manahet,

⁵³ ut li xch'uutaleb' laj Kiryat-Yeharín: eb' laj Yatir, eb' laj Put, eb' laj Sumat, ut eb' laj Misray, b'arwi' neke'chalk eb' laj Sorat ut eb' laj Estahol.

⁵⁴ Eb' li ralal xk'ajol laj Salmá a'aneb' a'in: laj Belén, eb' laj Netofá, eb' laj Atrot-Bet-Johab, a' li jun yiijacheb' chik laj Manáhat, eb' laj Sorá

⁵⁵ ut eb' li xch'uutaleb' laj Sofer li ke'wank chaq Yabés, naraj naxye, a'eb' laj Tirat, eb' laj Simat ut eb' laj Sukat. A'aneb' a'in laj Ken, ralal xk'ajoleb' laj Jamat, xyuwa' laj Bet-Rekab.