الإنجيل زي ما كتبه مَتَّى 20 - Qatifi New Arabic Version / الترجمة العربية القطيفية الجديدة

زي العمال في بستان العنب

¹ ملكوت السماوات زي رجال صاحب بيت، طلع الصبح من غبشة عشان يتأجر له عمال لمزارع العنب حقه،

² وأتفق ويا العمال على أنه يدفع ليهم دينار واحد في اليوم، ورسلهم لمزارع العنب.

³ و بعدين طلع على حدود الساعة تسع الصبح، و شاف عمال ثانين في ساحة المدينة يحارسوا يجيهم عمل،

⁴ و قال ليهم: روحوا بعد أنتون واشتغلوا في مزارع العنب وبعطيكم حقكم! وراحوا.

⁵ و بعدينعلى حدود الساعة إطنعشر الظهر، طلع و راح الساحة مره ثانيه،ورسل عمال غيرهم لمزارع العنب.

⁶ و على حدود الساعة خمس العصر، طلع مره ثالثه و شاف عمال ثانين من دون عمل، و سألهم: إلاويه قاعدين طول النهار من دون شغل؟

⁷ وقالوا له: لأنه ما أحد عطانا شغل. و قال ليهم: روحوا بعد أنتون واشتغلوا في مزارع العنب

⁸ و في المغرب، قال صاحب ألبستان للشخص المسؤل عنده: عيط على العمال وأدفع ليهم يوميتهم وابتدي بالعمال إلا جو أخر شي، لين توصل إلى إلا جو أول.

⁹ و إلا جو يشتغلوا من الساعة خمس، أخد كل واحد منهم دينار.

¹⁰ و إلا بدأؤ يشتغلوا أول، فكروا إنهم بياخدوا أكثر. و لكن أخد كل واحد منهم دينار.

¹¹ و لما أخدوه، قاموا يتحلطموا على صاحب مزارع العنب،

¹² و قالوا هدولا إلا جو في الأخير أشتغلوا بس ساعة وحدة، وأنت تساويهم بنا أحنا إلا أشتغلنا طول النهار تحت حر الشمس!

¹³ و رد عليهم و قال: يا صاحبي، أنا ما ظلمتك؛ مو أحنا أتقفنا على دينار؟

¹⁴ خد إلا لك واتوكل في حال سبيلك: أنا حر في حلالي و أمبى أعطي أخر عامل جا زيك.

¹⁵ يعني ما تبغاني أتصرف في حلالي زي ما بغيت؟ لوعيونك حسودة وكلها شرلأني أنا واحد صالح؟

¹⁶ وچدي بيصيروا في المقدمة إلا بيجو أخر شيء، و بيصروا في الاخير، و إلا جو أول شيء ."

يسوع يتنبأ بموته مرة ثانية

¹⁷ و يوم كان يسوع رايح أورشليم، أنفرد بتلاميده الإطنعشر في الطريق، و قال ليهم:

¹⁸ " هدحنا راحين أورشليم، مكان ما بيتسلم إبن الإنسان إلى رؤساء الكهنة والكتبة وبيحكموا عليه بالموت،

¹⁹ وبيسلموه لأيادي الشعوب إلا مهم مؤمنين، و بيتمسخروا عليه وبيجلدوه وبيصلبوه. و في اليوم الثالث بيقوم!"

طلب من أم

²⁰ وجته أم أولاد زبدي وأولادها كانوا وياها، وسجدت له تطلب منه معروف.

²¹ و قال ليها: "وش بغيتي؟" وقالت له: "تقول ليي: إن أولادي هدولين الإثنين بيقعدوا: واحد عن يمينك، والثاني عن يسارك في ملكوتك!"

²² و رد يسوع و قال ليعقوب ويوحنا: "أنتون ما مو قادرين تستوعبوا وش قاعدين تطلبوا مني! أنتون بتقدروا تشربوا من الكاس إلا بشربه؟" وجاوبوه: "إي نعم نقدر!"

²³ و قال ليهم: "كاسي بتشربوه، و لكن القعدة عن يميني ويساري، أنا ما أقدر أعطي هالمكانه لأحد إلا للي كتبها ليهم أبويي."

²⁴ و يوم سمعوا التلاميد العشرة هالكلام، زعلوا من الأخوه الإثنين

²⁵ وعيط عليهم يسوع كلهم و قال ليهم: "تدروا إن حكام الشعوب إلا مهم مؤمنين، تصيروا أسياد علي شعوبهم، وكباريتهم يتسلطوا عليهم.

²⁶ و لكن أنتون، هالشي المفروض ما يصير بينكم، و إلا يمبى يصير عظيم بينكم، يقوم يخدمكم

²⁷ وأي واحد يمبى يصير من الأوائل فيكم، يكون عبد ليكم،

²⁸ وأبن الإنسان: ما جا عشان يخدم الناس بس، لكن جا عشان يخدم ويضحي بنفسه فداء لناس واجد."

شفاء عميان أثنين

²⁹ و هم طالعين من أريحا، تبعوه ناس واجد.

³⁰ وشافوه عميان أثنين كانوا قاعدين على الطريق على جنب، و لما سمعوا أن يسوع مر من هناك قاموا يصرخوا: "أرحمنا يا رب، يا ولد داوُد!"

³¹ و لكن جماعة الناس عصبوا عليهم على شان يسكتوا، بس قاموا يصرخوا زيادة ويقولوا: "أرحمنا يا رب، يا إبن داوُد!"

³² و بعدين وقّف عشانهم يسوع، وعيط عليهم، وسألهم: "وش تبغوني أسوي ليكم؟"

³³ وجاوبوه: "يا رب، أفتح عواينا."

³⁴ فكسروا خاطره وحن قلبه عليهم، ولمس عيونهم، و على طول رجع ليهم بصرهم وصاروا من أتباعه.