الإنجيل زي ما كتبه مَتَّى 15 - Qatifi New Arabic Version / الترجمة العربية القطيفية الجديدة

الطاهر والنجس

¹ و جوا إلى يسوع ناس من جماعة الكتبة و الفريسيين من أورشليم، وسألوه:

² "ليش يخالفوا تلاميدك تقاليد القادة، و ما يغسلوا أياديهم قبل الأكل؟"

³ و رد عليهم يسوع و قال: "وليش أنتون تخالفوا وصية الله عشان بس تحافظوا على تقاليدكم؟"

⁴ مو الله وصانا و قال: أكرم أبوك وأمك! إلا يهين أبوه و أمه، الموت عقابه من الله!

⁵ و لكن أنتون تقولوا : إلا يقول لأبوه و أمه: المبلغ إلا المفروض أعولكم به، قدمته عطيته هدية للهيكل،

⁶ هو يعتبر تخلى من إكرام أبوه و أمه. وبجديه أنتون تلغوا إلا وصى به الله، بس على شان تحافظوا على تقاليدكم.

⁷ يا منافقين! صدق إشعياء يوم تنبأ عنكم و قال:

⁸ هالشعب يكرمني بلسانه، لكن قلبه أبعد ما يكون.

⁹ باطلة عبادتكم ليي لأنكم تدرّسوا تعاليم ما هي إلا وصايا الناس!

إلا ينجس الإنسان

¹⁰ و بعدين عيط على جماعة الناس و قال ليهم: "أسمعوا وافهموا:

¹¹ مو إلا يدخل بوز الإنسان ينجسه، بس إلا يطلع من يوز الإنسان هو إلا ينجسه."

¹² و جوا له التلاميد و قالوا له: "تدري إن هدا الكلام خلى الفريسيين يعصبوا؟"

¹³ و رد عليهم و قال: "كل نبته ما زرعها أبويي السماوي، لازم بنتقلع.

¹⁴ خلوهم يولوا هم عميان يدلوا عميان. و إدا كان الأعمى يدليه أعمى، بيطيحوا ويا بعض في حفرة."

¹⁵ و قال له بطرس: "أشرح لينا هدا المثل!"

¹⁶ و رد عليه و قال: "و أنتون بعد مو فاهمين؟

¹⁷ ما تفهموا إن الأكل إلا يدخل البوز ينزل في البطن، و بعدين ينرمى برا في الخلاء؟!

¹⁸ لكن إلا يطلع من البوز، فهو يطلع من القلب، و هو إلا ينجس الإنسان.

¹⁹ من القلب تتطلع الأفكار الشريرة، القتل والزنا والفسق والبوق وشهادة الزور وإلافتراء.

²⁰ هدي هي الأمور إلا تنجس الإنسان. و لكن الأكل بإيد مو مغسولة، ما تننجس الإنسان!"

إيمان المَرَة الكنعانية

²¹ بعدين ترك يسوع ديك المنطقة و راح جهه مناطق صيدا وصور.

²² و إلا مره كنعانية من ديك المنطقة، جت له تصرخ بصوت عالي وتقول: "أرحمني يا سيد، يا ولد داوُد! بتي عايشة في عداب، ساكننها جني."

²³ لكنه ما مارد عليها ولا بكلمة. وراحوا له تلاميده يلحوا عليه ويقولوا: "خلها تمشي عنا. قاعده تصرخ ورانا!"

²⁴ بعدين و رد عليها يسوع و قال: "أنا ما أنرسلت إلا للخرفان الضايعة من بيت إسرائيل!"

²⁵ و المره قربت منه، وسجدت له، وقالت: "ساعدني يا سيد!"

²⁶ و قال ليها: "مو عدل إنا ناخد خبز الأطفال ونرميه للچلاب."

²⁷ وقالت له: "صحيح يا سيد؛ و لكن حتى الچلاب تاكل من الفتات إلا يطيح من سفر أصحابها!"

²⁸ و رد عليها يسوع: "عظيم إيمانش يا مره! بصير ليش اللا طلبتيه!" و على طول أنشفت بتها في نفس الوقت.

يسوع يأكل أربعة آلاف

²⁹ و بعدين طلع يسوع من ديك المنطقة، و راح جهه بحر الجليل. وركب الجبل وقعد هناك.

³⁰ وجو له جماعة ناس واجد ووياهم ناس عرجان ومشلولين وعميان وغتمان وغيرهم واجد، وحطوا المرضى عند رجوله، وشفاهم.

³¹ وستغربوا الجماعة يوم شافوا الغتمان ينطقوا، والمشلولين صاروا سليمين، والعرجان يمشوا، والعميان يشوفوا؛ فقاموا مجدوا إله إسرائيل.

³² وبعدبن يسوع عيط على تلاميده و قال : "كاسرين خاطري الجماعة لأنهم من ثلاثة أيام وياي و ما عندهم أكل ياكلوه و ما أمبى أخليهم يمشوا صايمين عشان ما يتعبوا بلا أكل في الطريق."

³³ و قالوا له التلاميد: "و من وين لينا خبز يكفي هالجماعة الكبيرة؟"

³⁴ وسألهم: "كم قرص خبز عندكم؟" و قالوا: "سبعة وشوية سمچ صغار!"

³⁵ وطلب من الجماعة أنهم يقعدوا على الأرض.

³⁶ و بعدين أخد أقراص الخبز السبعة والسمج، وشكر الله وقطعهم، وعطاهم التلاميد و قاموا وزعوهم على الجماعة.

³⁷ والكل أكل إلين شبعوا، و بعدين رفع التلاميد سبعة قفف وترسوها بقطع الخبز إلا فضلت.

³⁸ و كان عدد إلا أكلوا أربعة آلاف رجال، من دون النسوان والجهال.

³⁹ و بعدين خلى يسوع الجماعة تمشي، وركب السفينة، و راح منطقة مجدان.