الإنجيل زي ما كتبه مَتَّى 14 - Qatifi New Arabic Version / الترجمة العربية القطيفية الجديدة

مقتل يوحنا المعمدان

¹ في داك الوقت سمع الحاكم هيرودُس- بالمعاجز إلا يسويها يسوع.

² و قال للناس إلا يخدموه: "هدا شكله هو يوحنا المعمدان قام من بين الميتين. و عشان چدي قامت تصير على إيده معاجز!"

³ لأن هيرودُس قبل ما يقول هالكلام كان معتقل يوحنا وحابسنه، وساجننه بسبب هيروديا -مرت فيليبس- أخوه،

⁴ لأن يوحنا كان يحدره و يقول له: "ما يجوز أنك تتزوجها!"

⁵ ووقتها كان هيرودُس يمبى يقتل يوحنا، بس خاف من الشعب، لأنهم كانوا يعتبروا يوحنا نبي.

⁶ و في يوم الاحتفال بعيد ميلاد هيرودُس، رقصت بت هيروديا في الوسط، فعجبت هيرودُس،

⁷ و قام حلف ليها ووعدها إن يعطيها أي شي تمباه.

⁸ و بعد ما أستشارت هيروديا أمها فوش تطلب، قالت له هدا إلا أبغاه: " أمبى راس يوحنا المعمدان على صحن!"

⁹ وحزن الملك مره، و لكن أمر بأن إلا تتطلبه يصير، عشان ما يكسر حلفته قدام إلا كانوا قاعدين وياه.

¹⁰ ورسل أمر إلى السجن أنهم يقصوا راس يوحنا.

¹¹ وجابوا الراس على صحن وعطوه البنية، فقامت أخدته وودته لأمها.

¹² و جوا تلاميد يوحنا، وأخدوا جثمانه، ودفنوه. و بعدين راحوا و قالوا ليسوع بإلا صار.

يسوع يأكل خمسة آلاف

¹³ و لما سمع يسوع هالشي، قام ركب سفينة و راح لوحده إلى مكان خالي. وسمعوا الناس بالخبر، و قاموا لحوه مشي من المدن.

¹⁴ و لما نزل يسوع على الساحل، شاف ديك الجماعة الكبيرة، وحن قلبه عليهم وشفى مرضاهم.

¹⁵ و لما جا المسا، جو له التلاميد و قالوا له: "هدا المكان معزول، وطوّلنا هني. فخلاص خلي الناس يمشوا، ويروحوا القرى عشان يشتروا ليهم أكل."

¹⁶ و لكن يسوع قال ليهم: "مايحتاج هم يروحوا، أعطوهم أنتون أكل ياكلوه!"

¹⁷ و قالوا له: "ما عندنا غير خمسة أقراص خبز وسمجتين."

¹⁸ و قال ليهم: "جيبوهم ليي هني!"

¹⁹ وطلب من الناس أنهم يقعدوا على الحشيش. وأخد أقراص الخبز الخمسة والسمجتين، و رفع راسه وطالع في السما، وبارك الله وقطّع الخبز، وعطاهم التلاميد، وزعوهم على الجماعة.

²⁰ والكل أكلوا وشبع، و بعدين جمّع التلاميد إطنعشر قفة، وترسوها باللي فضل من فضيل الخبز.

²¹ و كان عدد الناس إلا أكلوا تقريبًا خمسة آلاف واحد، هدا من دون النسوان والجهال.

يسوع يمشي فوق الماي

²² وبعدين أمر يسوع التلاميد أنهم يركبوا السفينة ويسبقوه إلى الجهة الثانية من البحر، و خلي الجماعة تمشي.

²³ و بعد ما خلى الجماعة يمشوا، راح ركب فوق الجبل عشان يصلي لحاله، و جا المسا و هو لوحده هناك.

²⁴ وسفينة التلاميد وصلت إلى نص البحر والأمواج تضربها، لأن الريح كانت معاكسة ليها.

²⁵ و في الهزيع الرابع- يعني الربع الأخير من الليل- جا يسوع إلى التلاميد يمشي على ماي البحر.

²⁶ ويوم شافوه التلاميد يمشي على الماي، ماتوا من الخوف و قالوا: "هدا شبح" و من كثر ما كانوا خايفين قاموا يصرخوا.

²⁷ و على طول تكلم وياهم يسوع و قال ليهم: "تشجعوا! أنا هو. لا تخافوا!"

²⁸ و قام قال له بطرس: " يا سيد- إدا كنت أنت هو، فأمرني أني أجي ليك وأمشي على الماي!"

²⁹ و قال له يسوع: "تعال!" ونزل بطرس من السفينة ومشى على الماي، وصار يمشي متوجه ليسوع.

³⁰ و لكن لما حس بالريح الشديدة، خاف وبدا يغرق، وصرخ و قال: "يا رب أنقدني!"

³¹ و على طول مد يسوع إيده له وجوده و قال له: "يا قليل الإيمان، ليش شكيت؟"

³² وبس ركب يسوع السفينة، سكتت الريح.

³³ و إلا في السفينة، سجدوا له و قالوا: "أنت صدق إبن الله!"

³⁴ و لما عبروا لل الجهة الثانية من البحر، نزلوا في منطقة جَنِّيسَارَتَ.

³⁵ وأهل ديك المنطقة عرفوه، وأنتشر الخبر للبلادين القريبة، وجابوا له كل المرضى،

³⁶ وطلبوا منه وتوسلوا له إن يسمح ليهم أنهم يلمسوا لو بس طرف ثوبه. و كل إلا لمسوه أنشفوا شفاء تام.