1 Crónicas 9 - Qheshwa Biblia DC

¹ Jinamanta tukuynin Israel aylloqa qelqaykusqa karqa Israelpa reykunasnimpa librompi. Judá ayllumanta kajkunataj juchasninkurayku Babiloniaman wijch'usqas karqanku.

Babiloniamanta kutimpojkuna

² Ñaupajta kutimpuspa tiyakojkuna chay jallp'asninkupi, llajtasninkupitaj karqanku, israelitas, chantá levitas, sacerdotes, Diosta yupaychana wasipi sirvejkuna ima.

³ Jerusalempitaj tiyakaporqanku Judá ayllumanta kajkuna, Benjamimpamanta kajkuna, Efraimpamanta kajkuna, Manasespamanta kajkuna ima.

⁴ Judáj mirayninmanta kajkuna karqanku: Utai, payqa Amiudpa wawan karqa, paytaj Omrej wawan karqa; paytaj Imrej wawan karqa; paytaj Banej wawan karqa, tukuy paykunaqa Judáj wawan Farespa mirayninmanta kajkuna karqanku.

⁵ Silonitasmantataj karqanku wawan kuraj kaj Asaías, wawasninwan ima.

⁶ Zeraj mirayninmantataj karqanku: Jeuel, ayllusnin ima, tukuypi sojta pachaj isq'on chunkayoj karqanku.

⁷ Benjamimpa mirayninmanta karqanku: Mesulampa wawan Salú; Mesulampa tatantaj Hodavías karqa; Hodaviaspa tatantaj Asenúa karqa.

⁸ Ibneiastaj Jerohampa wawan karqa; Elataj Uzej wawan karqa; paytaj Micrej wawan karqa; paytaj Mesulampa wawan karqa; paytaj Ibniaspa wawan karqa.

⁹ Ayllusninkoqa chay miraykunasninkuman jinaqa karqanku isq'on pachaj phishqa chunka sojtayoj, tukuyninku ayllusninku ukhupi kamachejkuna karqanku.

^10-13 Sacerdotesninmantataj karqanku: Jedaías, Joiarib, Jaquín, Azarías, payqa Hilciaspa wawan karqa; paytaj Mesulampa wawan karqa; paytaj Ahitobpa wawan karqa; Azariasqa Diospa wasinmanta kuraj kamachejkuna karqa; chantá Adaía, paytaj Jerohampa wawan karqa; paytaj Pasurpa wawan karqa; paytaj Malquiaspa wawan karqa. Chantá Masai Adielpa wawan karqa; Adieltaj Jazeraj wawan karqa; paytaj Mesulampa wawan karqa; paytaj Mesilemitpa wawan karqa; paytaj Imerpa wawan karqa. Paykuna ayllusninkuwan ima karqanku waranqa qanchis pachaj sojta chunkayoj. Paykunaqa wasi ayllusninkumanta kamachejkuna karqanku. Chantá sumaj yachayniyojkuna karqanku Diosta yupaychana wasimpi imastapis ruwanankupaj.

¹⁴ Levitasmantataj karqanku: Semaías, payqa Hasubpa wawan karqa; paytaj Azricampa wawan karqa; payqa Merarej ayllunmanta karqa.

¹⁵ Chantá Bacbacar, Heres, Galal, Matanías. Payqa Micaíaj wawan karqa; paytaj Zicrej wawan karqa, paytaj Asafpa wawan karqa.

¹⁶ Chantá Obadías, payqa Semaiaspa wawan karqa; payqa Galalpa wawan karqa; payqa Jedutumpa wawan karqa. Chantá Berequías. Payqa Asaj wawan karqa; paytaj Elcanaj wawan karqa. Payqa netofatitaspa tiyakunanku ranchosninkupi tiyakorqanku.

¹⁷ Punku qhawajkunaqa karqanku: Salum, Acub, Talmón, Ahimán ima. Hermanonku Salumtaj kamachejninku karqa.

¹⁸ Kunampis palacioj inti llojsimuy lado punkuta qhawajllapuni pay. Kaykuna karqanku levitaspa jarasninkumanta punku qhawajkuna.

¹⁹ Salumqa Coréj wawan karqa. Coretaj Ehiasafpa wawan karqa. Paytaj Coréj wawan karqa. Payqa ayllusnin coreitaswan imaqa Dioswan llimphuchasqa toldo wasiman yaykuna punkuta qhawanankupaj churasqas karqanku, imaynatachus ñaupa tatasninkupis Señorpa jaranta qhawaj kanku ajinata.

²⁰ Chaymanta aswan ñaupajtaqa Eleazarpa wawan Finees paykunaj kamachejninku karqa. Señortaj paywan kachun.

²¹ Meselemiaspa wawan Zacariastaj Dioswan tinkukuna wasi punkuta qhawajnin karqa.

²² Tukuypi chay punkusta qhawajkunapaj ajllasqasqa iskay pachaj chunka iskayniyoj runas karqanku, maypichus tiyakorqanku chay llajtaspi ayllusninkuman jina, libropi qelqasqa kajkunaqa. Davidwan, profeta Samuelwan chay ruwanasta wiñaypaj churarqanku.

²³ Paykunawan wawasninkuwan ima ujtaj ujtaj Señorpa wasinman yaykuna punkusta qhawaj kanku. Chayqa ninayan Dioswan parlana toldo wasiman yaykuna wasiman yaykuy punkuta.

²⁴ Chay punku qhawajkunaqa tawantin ladospi churasqas karqanku, inti llojsimuynejpi, inti yaykuynejpi, wichaynejpi, uraynejpi ima.

²⁵ Chay llajtasninkupi tiyakojkuna ayllusninkoqa yanapaj jamoj kanku qanchis diasta sapa kutipi.

²⁶ Chay tawantin punku qhawajkunaj, levitaspa kurajkunasninkupis, mana jayk'aj saqespa qhawallajpuni kanku, chay wasista qhawaspa, Diosta yupaychana wasipi kaj cuartosqa, jinataj qhapaj kaj imasnintawan.

²⁷ Paykuna Diosta yupaychana wasimpa muyuynimpi tiyakoj kanku, qhawanankupaj, jinataj sapa paqarin punkusninta kicharinankupaj churasqas kasqankurayku.

²⁸ Paykunamanta wakintaj churasqas karqanku, Diosta yupaychanapaj imaschus apaykuna, orqhomunataj karqanku chaykunata paykuna yupaspa waqaychanankupaj.

²⁹ Wakintaj churasqas karqanku chay waj herramientasta waqaychanamanta Diospaj kaj imasmanta, jinallataj jak'umanta, vinomanta, aceitemanta, inciensomanta, k'achata q'apaj imasmantawan.

³⁰ Sacerdotesmanta wakinkunataj chay k'achata q'apaj imasta wakichej kanku.

³¹ Coré ayllumanta Salumpa kuraj kaj wawan levita Matatiasqa churasqa karqa, payllapi chayachina imasta ruwanampaj.

³² Coatitasmanta wakin ayllusninkutaj churasqas karqanku, t'aqasqa kaj t'antasta, sinrullata churanankupaj sapa samakuna p'unchaypi.

³³ Kallarqankutaj takejkunapis, levita ayllusmanta kurajkuna, paykuna Diosta yupaychana wasipi kaj cuartospi tiyakorqanku. Waj ruwanasmantaj mana wajyakuyta munajchu kanku, tuta p'unchay chay ruwanallapipuni kasqankurayku.

³⁴ Kaykuna karqanku levitaspa wasi ayllusninkupi kamachejkunaqa, tatasninkoj ayllusninkuman jina, paykunaqa Jerusalempi tiyakorqanku.

Saulpa ayllunmanta kajkuna

^35-38 Gabaón llajtapeqa tiyakorqa Jehiel, chayqa Gabaompa tatan karqa. Gabaompa warmintaj Maaca sutiyoj karqa. Wawasnintaj karqanku: Abdón, chay kutaj kaj, chantá Zur, Cis, Baal, Ner, Nadab, Gedor, Ahío, Zacarias, Miclot ima. Miclotqa Mimeampa tatan karqa. Paykunapis hermanosninku jina, Jerusalenllapitaj tiyakorqa.

³⁹ Ner sutiyoj runaqa, Cispa tatan karqa; Cistaj Saulpa tatan karqa; Saultaj Jonatampa tatan karqa; Malquisuajta, Abinadabpata, Es-Baalpata ima.

⁴⁰ Jonatampa wawanqa MeribBaal karqa; paytaj Micaíaj tatan karqa.

⁴¹ Micaíaj wawasnintaj karqanku: Pitón, Melec, Tarea, Acaz ima.

⁴² Acaztaj Jaraj tatan karqa, Jarataj Aletetpa tatan karqa, Azmavetpata, Zimritpatapis; Zimritaj Mosaj tatan karqa.

⁴³ Mosataj Binaj tatan karqa. Paytaj Refaiaspa tatan karqa; paytaj Elasaj tatan karqa; paytaj Azelpa tatan karqa.

⁴⁴ Azelpa wawasnintaj sojta karqanku; sutisninkutaj karqa: Azricam, Bocru, Ismael, Searías, Obadías, Hanán ima. Kaykuna Azelpa wawasnin karqanku.