1 CRÓNICAS 24 - Dios Rimashcata Quillcashcami

Diospac huasipi servic curacunamanta

¹ Aaronpac huahua huahuacunapish Diosta servingapacmi caishuc chaishuc chaupirinacurca. Aaronpac churicunaca: Nadab, Abiú, Eleazar, shinallatac Itamarmi carca.

² Nadabpish, Abiupish huahuacunata manarac charishpami, paicunapac taita manarac huañucpi huañurca. Chaimantami Eleazar, shinallatac Itamar curacuna tucurca.

³ Davidca Eliazarpac huahua huahuapuramanta Sadoc curahuan, Itamarpac huahua huahuapuramanta Ahimelec curahuanmi, curacunata chaupishpa servichun churarca.

⁴ Eleazarpac huahua huahuapuramantami Itamarpac huahua huahuapuracunata ashtahuan mandaccuna tiyarca. Chaimantami, Eleazarpac huahua huahuapuramanta paicunapac ñaupa taitacunapac huasi ucupurata mandaccunataca chunga sucta curacunata churarca. Itamarpac huahua huahuapuramanta paicunapac taitacunapac huasi ucupurata mandaccunaca pusac curacunami carca.

⁵ Eleazarpac, Itamarpac huahua huahuacunamantaca, Diospac huasipi mandaccunapish, Diospac huasipi imata ruhuaccunata mandaccunapish cashcamantami suerteta ruhuashpa chaupirca.

⁶ Levitapuramanta Natanaelpac churi Semaiasca quillcacmi carca. Paica jatun mandacpac, quipa mandaccunapac, Sadoc curapac, Abiatar curapac churi Ahimelecpac, paicunapac ñaupa taitacunapac huasi ucupurata mandac curacunapac, levitacunapac ñaupapimi paicunapac shuticunata quillcarca. Eleazarpac huahua huahuapuramantaca paicunapac huasi ucupurata mandactami suerteta ruhuashpa, ishcaita acllarca. Itamarpac huahua huahuapuramantaca shuctami acllarca.

⁷ Punta suerteca Joiaribmanmi urmarca. Quipataca Jedaiasman,

⁸ quimsaniquica Harimman, chuscuniquica Seorimman,

⁹ pichcaniquica Malquiasman, suctaniquica Mijaminman,

¹⁰ canchisniquica Cosman, pusacniquica Abiasman,

¹¹ iscunniquica Jesuaman, chunganiquica Secaniasman,

¹² chunga shucniquica Eliasibman, chunga ishcainiquica Jaquimman,

¹³ chunga quimsaniquica Hupaman, chunga chuscuniquica Jesebeadman,

¹⁴ chunga pichcaniquica Bilgaman, chunga suctaniquica Imerman,

¹⁵ chunga canchisniquica Hezirman, chunga pusacniquica Afsesman,

¹⁶ chunga iscunniquica Petaiasman, ishcai chunganiquica Hezequielman,

¹⁷ ishcai chunga shucniquica Jaquinman, ishcai chunga ishcainiquica Gamulman,

¹⁸ ishcai chunga quimsaniquica Delaiaman, ishcai chunga chuscuniquica Maaziasmanmi urmarca.

¹⁹ Israelcunata Mandac Dios paicunapac ñaupa taita Aaronta mandashca shinallatacmi paicunataca Mandac Diospac huasiman yaicushpa, Diospacta ruhuanapi chaupishpa churarca.

²⁰ Saquirishca levitacunaca: Amrampac huahua huahuapuramantaca Subael, Subaelpac huahua huahuapuramantaca Jehedías,

²¹ Rahabiaspac huahua huahuapuramantaca Isías, paica mandacmi carca.

²² Izharpac huahua huahuapuramantaca Selomot, Selomotpac huahua huahuapuramantaca Jahatmi carca.

²³ Hebronpac huahua huahuapuramantaca puntaca Jerías, quipaca Amarías, quimsaniquica Jahaziel, chuscuniquica Jecamanmi carca.

²⁴ Uzielpac huahua huahuapuramantaca Micaía, Micaiaspac huahua huahuapuramanta Samirmi carca.

²⁵ Micaiaspac huauquica Isiasmi carca. Isiaspac huahua huahuapuramantaca Zacariasmi carca.

²⁶ Meraripac huahua huahuapuramantaca Mahli, shinallatac Musimi carca. Jaaziaspac huahua huahuapuramantaca Benomi carca.

²⁷ Meraripac huahua huahuapuramanta Jaaziasmanta tiyashca churicunaca: Beno, Soham, Zacur, shinallatac Ibrimi carca.

²⁸ Mahlipac huahua huahuapuramantaca Eleazarmi carca. Paica mana huahuacunata charircachu.

²⁹ Cispac churi Jerameelpishmi carca.

³⁰ Musipac huahua huahuapuramantaca Mahli, Edar, shinallatac Jerimotmi carca. Paicunami paicunapac ñaupa taitacunapac huasi ucupuramantaca carca.

³¹ Paicunapish paicunapac aillu Aaronpac huahua huahuacuna shinallatacmi Diosta servingapac suerteta ruhuarcacuna. Paicunaca jatun mandac Davidpac, Sadocpac, Ahimelecpac, ñaupa taitacunapac huasi ucupurata mandac curacunapac, levitacunapac ñaupapimi suerteta ruhuarcacuna. Chashnami taitacunata mandaccunatapish, paicunapac quipa huauquicunatapish, ruhuarcacuna.