Psailm 94 - Psalma Ḋaiḃí 1836

XCIV Psalm.

¹ A Ṫi’arna Dia, is ḋuit is dual, Dioġaltas ceart le tréun; Ó a Ḋé, dár dual dioġaltas, Deallraiḋ amaċ ṫu féin.

² A ḃreiṫioṁ ceart na talṁan, déan, Ṫu féin a ṫógḃáil suas; A’s íoc le luċt an uaiḃreaċuis, A luaiġeaċt a’s a nduais.

³ Ca fad a ġníḋ luċt aingiḋeaċt? Ca fad a Ḋia do ní? Luċt aingiḋeaċt úrġáirdeaċas, Le háoiḃneas mór gan díṫ?

⁴ Ca fad a luaiḋtear briaṫra leo, A tráċt air neiṫiḃ cruaiḋ; A mbeiṫ siad a síorċaint, an ṁéid, Oibríġ’s éigċeart go truaḋ?

⁵ A Ṫiġearna do ḋáoíne brúiġ’d, ’S d’oiġreaċt cráiḋead go géar;

⁶ Baintrea’ċ, coigríoċ a’s dílleaċtúiġe, Marḃuid ’s níḋ feall go dáor.

⁷ Deir siad, giḋeaḋ, ni léir do Ḋia, A’s fós ni mo a ġní; Dia Iácob súd a ṫ’uirt fá ndear, Na ṫuigsin iona ṡlíġe.

⁸ A ḋáoine brúid’úil ’measg an tslóíġ, ’Nois tuigiḋe agaiḃ féin; ’Sa ḋáoine leaṁa, cá fada, Ḃeis siḃ gan ċiall a gcéin?

⁹ An té do ċuir ’na suiḋe an ċluas, Náċ gcluinfiġ se go géur? An te ḋealḃ an tsúil leis maráon, ’Ne náċ do féin is léir?

¹⁰ An te smaċtuiġios na cineaḋċa, An éaḋ na gcrónfáḋ sé; An té ḃeir eolus do gaċ neaċ, [An neaċ gan eolus é].

¹¹ Air smuaintiḃ ḋáoine ’s feasaċ Dia, Gur dioṁáoin iad go beaċd;

¹² ’S beannuiġ’ an neaċ smaċtuiġear leat, A’s a ṁuineas tu a’d reaċt.

¹³ Ċum suaiṁneas buan a ṫaḃairt do, A laeṫiḃ aṁgair uilc, No go dtoċaltar don ċiontaċ, Poll go doṁain dá smuilc.

¹⁴ Óir ni ṫeilgfiġ Dia uaiḋe fós, A ḋáoine dá dtug gráḋ; A’s mar an gcéadn’ ni ṫréigfiġ sé, An oiġreaċt ṫa ’na láṁ’.

¹⁵ Aċt fillfiġ breiṫeaṁnas arís, Ċum fíréantaċt air ais; ’As biaḋ luċd an ċroiḋe ionracuiġ, Da leanṁúin súd gan snas.

¹⁶ A naġaiḋ fós luċt déanta uilc, Cia éireó’s liom a náird; ’Naġaiḋ luċt oibriġṫe an ċláon, Cia ṡeasas air mo ṗáirt.

¹⁷ Muna ḃeiṫ go raiḃ Iehóḃah liom, Dom ċuidiuġaḋ le buaḋ; ’S beag naċ bíaḋ m’anam boċd dearḃóil, Go ciúin ’na luiġe ’sa nuaiġ.

¹⁸ An tráṫ dúḃras a tá mo ċós, Ag sleaṁnúġ’ uaimse siós; Do ṫrócair’ cáoṁ ċoiṁead me suas, A Ṫi’arna mór na náois.

¹⁹ Air mbeiṫ dom smáointe iomarcaċ, A’s líonṁar ann mo ċúm; Do ċóṁ‐ḟurṫaċd‐sa ṫug an sin, Solás do m’anam trom.

²⁰ An mbéiḋ cumann ag caṫáoir uilc, Riotsa ċoiḋċe a mbríġ; Noċ ċumas eigceart go hanṁór, D’aċtúġaġ le dlíġeaḋ.

²¹ A naġaiḋ anma an duine ċóir, Cóiṁċeanglaid féin le ċéil; Fuil neiṁċiontaċ, damnuiġid sin, Le cóṁraḋ cláon a mbéil.

²² Aċ Dia mo ċuṁdaċ a’s mo Ṫriaṫ, Mo ċarruic dí’on gaċ ló;

²³ Se ḋíolas orra súd air ais, Gaċ éagcóir rinneaḋ leó. A ngearraḋ siós do níṫear leis, Go ceart na naingiḋeaċt féin; A’s ġní an Ti’arna mór air nDia, A sgrios amaċ go tréun.