Psalmyn 93 - Lioar ny Psalmyn 1765 (Pointed)

EVENING PRAYER. PSAL. 93. Dominus regnavit.

¹ Ta’n Chiarn ny Ree, as er choyrt mysh coamrey gloyroil: ta’n Chiarn er choyrt er e gharmad, as er chomm'rey eh hene lesh niart.

² T’eh er yannoo yn seihll rhunt cha shickyr: nagh vod eh v’er ny scughey.

³ Rieau er dy hoshiaght y theihll ta dty stoyl er ve er ny hoiaghey seose: t’ow uss veih dy-bragh.

⁴ Ta ny thooillaghyn er hroggal, O Hiarn, ta ny thooillaghyn er hroggal seose nyn goraa: ta ny thooillaghyn er hroggal seose ny tonnyn oc.

⁵ Ta tonnyn ny marrey niartal, as jannoo fiyr atchimagh: agh ny-yeih ta’n Chiarn, ta cummal er yn yrjid, ny s’niartal.

⁶ Ta ny recortyssyn ayds, O Hiarn, feer shickyr: ta casherickys cooie da dty hie son dy-bragh.