Psalmyn 87 - Lioar ny Psalmyn 1765 (Pointed)PSAL. 87. Fundamenta ejus. 1 Ta ny undinyn eck er ny croink chasherick: shynney lesh y Chiarn giattyn Sion ny share na ooilley cummallyn Yacob. 2 Ta reddyn feer ooasle er nyn loayrt jeed’s: uss ard-valley dy Yee. 3 Smooinee-ym er Rahab as Babylon: mâroosyn ta enney oc orrym. 4 Cur-jee my-ner ny Philistinee neesht: as adsyn jeh Tyre, marish ny Morianee; jeeagh, ayns shen v’eh er ny ruggey. 5 As mychione Sion bee eh er ny ghra, dy row eh er ny ruggey ayn-jee: as nee yn Er smoo syrjey ee y niartaghey. 6 Nee yn Chiarn shoh y imraa tra t’eh scrieu coontey yn pobble: dy row eh ruggit ayns shen. 7 Adsyn neesht ta goaill arraneyn-moyllee as jannoo bingys ver eh ’sy choontey: bee ooilley my ushtaghyn geill oor ayn-yds. |
maintained by the British and Foreign Bible Society
British & Foreign Bible Society