Psalmyn 8 - Lioar ny Psalmyn 1765 (Pointed)

PSAL. 8. Domine, Dominus noster.

¹ O Hiarn nyn Ghiannoort, cre cha ooasle ta dt’Ennym trooid ooilley’n theihll: uss ta er hoiaghey dty ghloyr er-skyn ny niaughyn!

² Magh ass eer beïll oikanyn as cloan er y cheeagh t’ow er n’oardaghey niart, kyndagh rish dty noidyn: dy voddagh oo yn noid, as yn eulyssagh y chastey.

³ Son goym tastey jeh dty niaughyn, eer obbraghyn dty veïr: yn eayst as ny rollaagyn t’ow er n’oardaghey.

⁴ Cre ta dooinney, dy vel oo aggindagh er: as mac y dooinney dy vel oo jeeaghyn er?

⁵ Ren oo eh ny s’inshley na ny ainlyn: dy chomm'rey eh lesh gloyr as ooashley.

⁶ T’ow coyrt dasyn yn reill harrish obbraghyn dty laueyn: as er choyrt dy-chooilley nhee ayns biallys fo e chassyn;

⁷ Dy-chooilley cheyrrey as dow: as myrgeddin beïyn y vagher;

⁸ Eeanlee yn aer, as eeastyn ny marrey: as cre-erbee ta snaaue trooid raaidyn ny faarkaghyn.

⁹ O Hiarn nyn Ghiannoort: cre cha ooasle ta dt’Ennym ayns ooilley yn seihll!