Psalmyn 61 - Lioar ny Psalmyn 1765 (Pointed)

PSAL. 61. Exaudi, Deus.

¹ Clasht rish my eam, O Yee: eaisht rish my phadjer.

² Veih khing y theihll nee’m geamagh ort: tra ta my chree ayns trimshey.

³ O soie mee seose er y chreg ta ny syrjey na mee: son t’ow er ve my hreishteil, as toor lajer dooys noi yn noid.

⁴ Nee’m cummal ayns dty chabbane-agglish son dy-bragh: as bee my hreishteil fo scaa dty skainyn.

⁵ Son t’ow uss, O Hiarn, er chlashtyn my yeearreeyn: as er choyrt eiraght dauesyn ta goaill aggle roish dt’Ennym.

⁶ Ver oo da’n Ree bea liauyr: dy vod e vleeantyn farraghtyn trooid magh dy-chooilley heeloghe.

⁷ Nee eh vaghey fenish Yee son dy-bragh: O kiare dty vyghin ghraihagh as dt’irriney, dy vod ad eh y choadey.

⁸ Myr shen goym dy-kinjagh arrane-moyllee gys dt’Ennym: dy voddym gagh-laa my vreearaghyn y chooilleeney.