Psalmyn 52 - Lioar ny Psalmyn 1765 (Pointed)

PSAL. 52. Quid gloriaris?

¹ Cre hon t’ow boggyssagh jeed hene, uss hranlaasagh: dy vod oo olk y yannoo;

² Fakin dy vel mieys Yee: farraghtyn foast gagh-laa?

³ Ta dty hengey soit er olkys: as lesh breagyn t’ow giarey goll-rish skynn yhear.

⁴ T’ow er ny ve ny s’graihagh er neu-chairys na er mieys: as dy haggloo jeh breagyn ny smoo na jeh cairys.

⁵ Va taitnys ayd dy loayrt dy-chooilley ockle oddagh assee y yannoo: O uss hengey oalsey.

⁶ Shen-y-fa nee Jee oo y stroie er son dy-bragh: gow-ee eh oo, as tayrnee eh oo ass dty chummal, as nee eh oo y astyrt magh ass cheer y sleih bio.

⁷ Hee yn sleih cairal shoh myrgeddin, as gow-ee ad aggle: as nee ad craidey mysh as gearey;

⁸ Jeeagh, shoh’n dooinney nagh ghow Jee son e niart: agh hug e varrant gys e verchys vooar, as ren eh hene y niartaghey ayns e olkys.

⁹ Er my hon’s, ta mee myr billey-olive glass ayns thie Yee: ta my hreishteil ayns myghin meigh Yee son dy-bragh as dy-bragh.

¹⁰ Ver-yms booise dhyt dy-kinjagh son shen ny t’ow er n’yannoo: as nee’m treishteil ayns dt’Ennym, son shynney lesh dty nooghyn eh dy-mie.