Psalmyn 47 - Lioar ny Psalmyn 1765 (Pointed)

EVENING PRAYER. PSAL. 47. Omnes gentes, plaudite.

¹ O bwoaill-jee nyn massyn cooidjagh, ooilley shiuish phobble: O gow-jee arrane gys Jee lesh y choraa dy vingys.

² Son ta’n Chiarn ard, as aggle dy v’er ny ghoaill roïsh: she eshyn y Ree mooar er fey-ny-cruinney.

³ Ver eh sheese y pobble fo-in: as ny ashoonyn fo nyn gassyn.

⁴ Nee eshyn eiraght y reih magh nyn gour: dy-jarroo ynnyd ooasle Yacob hug eh graih da.

⁵ Ta Jee er gholl seose lesh kiaulleeaght ghennal: as y Chiarn lesh fiyr y chayrn.

⁶ O gow-jee arraneyn-moyllee, gow-jee arraneyn-moyllee gys y Jee ain: O gow-jee arraneyn-moyllee, gow-jee arraneyn-moyllee gys nyn Ree.

⁷ Son she Jee Ree’n theihll ooilley: gow-jee arraneyn-moyllee lesh tushtey.

⁸ Ta Jee reill harrish ny ashoonyn: ta Jee ny hoie er e stoyl-reeoil chasherick.

⁹ Ta prinsyn ny ashoonyn er lhiantyn gys pobble Yee Abraham: son Jee, ta dy ard er ny hoiaghey seose, ta fendeil y seihll, myr dy beagh eh lesh eïlley-caggee.