Psalmyn 43 - Lioar ny Psalmyn 1765 (Pointed)

PSAL. 43. Judica me, Deus.

¹ Cur briwnys er my cheu, O Yee, as jean my chooish y endeil noi’n sleih mee-chrauee: O jean m'y livrey veih’n dooinney molteyragh as olkyssagh.

² Son uss Jee my niart, cre’n-fa t’ow er my scughey voïd: as cre hon ta mee goll cha trimshagh choud as ta’n noid jannoo tranlaase orrym?

³ O cur magh dty hoilshey as dty irriney, dy vod ad mee y leeideil: as mee y choyrt lhieu gys dty chronk chasherick, as gys dty ynnyd-vaghee.

⁴ Dy voddym goll gys altar Yee, dy-jarroo gys y Jee jeh my voggey as my yennallys: as er y chlaasagh ver-yms booise dhyts, O Yee, my Yee.

⁵ Cre’n-fa t’ow cha trimshagh, O m’annym: as cre hon t’ow cha anveagh cheu-sthie jee’m?

⁶ O cur dty hreishteil ayns Jee: son ver-yms foast booise da, eh ta slaynt my eddin, as my Yee.