Psalmyn 29 - Lioar ny Psalmyn 1765 (Pointed)

PSAL. 29. Afferte Domino.

¹ Cur-jee lhieu gys y Chiarn, O shiuish ard-gheiney, cur-jee lhieu reaghyn aegey gys y Chiarn: cur-jee lieh’n Chiarn ooashley as niart.

² Cur-jee da’n Chiarn yn onnor cooie da’n Ennym echey: cur-jee ooashley da’n Chiarn lesh ammys crauee.

³ She’n Chiarn ta saarey ny ushtaghyn: yn Jee gloyroil ta jannoo yn taarnagh.

⁴ She’n Chiarn ta reill y faarkey; ta coraa’n Chiarn niartal ayns bree: ta coraa yn Chiarn coraa gloyroil.

⁵ Ta coraa yn Chiarn brishey ny biljyn-cedar: yn Chiarn, dy-feer, ta brishey cedaryn Libanus.

⁶ T’eh cur orroo myrgeddin dy lheïmeragh myr lheiy: Libanus neesht as Sirion myr unicorn aeg.

⁷ Ta coraa yn Chiarn scoltey ny tendeïlyn dy aile; ta coraa yn Chiarn craa yn aasagh: yn Chiarn, dy-feer, ta craa faasagh Chades.

⁸ Ta coraa yn Chiarn cur er ny feaïee nyn lheiyee y hilgey, as roostey tammagyn chiu yn aasagh: as ayns e hiamble ta dy-chooilley ghooinney loayrt jeh e ooashley.

⁹ Ta’n Chiarn soie er-skyn ny thooillaghyn: as ta’n Chiarn tannaghtyn ny Ree son dy bragh.

¹⁰ Ver y Chiarn niart da e phobble: ver y Chiarn da e phobble yn bannaght dy hee.