Psalmyn 24 - Lioar ny Psalmyn 1765 (Pointed)

MORNING PRAYER. PSAL. 24. Domini est terra.

¹ Lesh y Chiarn y thalloo, as ooilley ny t’ayn: cumbaase y theihll, as adsyn ta vaghey ayn.

² Son t’eh er hoiaghey eh er ny faarkaghyn: as er hickyraghey eh er ny thooillaghyn.

³ Quoi eh hed seose er cronk y Chiarn: ny quoi vees cooie dy hassoo ayns e ynnyd casherick?

⁴ Eshyn eh ta laueyn glen echey, as cree gyn loght: as nagh vel er hoiaghey e aigney er foalsaght, as nagh vel er ghoaill lhoo dy volley e naboo.

⁵ Yiow eshyn yn bannaght veih’n Chiarn: as cairys veih Jee e haualtys.

⁶ Shoh’n sheeloghe ocsyn ta dy hirrey eh: jeusyn dy-jarroo ta shirrey dt’eddin, O Yacob.

⁷ Trogg-jee seose nyn ghing, O shiuish yiattyn, as bee-jee er nyn droggal seose, shiuish ghorryssyn dy-bragh farraghtyn: as hig Ree ny ghloyr stiagh.

⁸ Quoi ta Ree ny ghloyr: yn Chiarn eh ta lajer as niartal, yn Chiarn hene niartal ayns caggey.

⁹ Trogg-jee seose nyn ghing, O shiuish yiattyn, as bee-jee er nyn droggal seose, shiuish ghorryssyn dy-bragh farraghtyn: as hig Ree ny ghloyr stiagh.

¹⁰ Quoi ta Ree ny ghloyr: dy-jarroo yn Chiarn dy heshaght-chaggee, eshyn Ree ny ghloyr.