Psalmyn 15 - Lioar ny Psalmyn 1765 (Pointed)

MORNING PRAYER. PSAL. 15. Domine, quis habitabit?

¹ Hiarn, quoi nee vaghey ayns dty chabbane-agglish: ny quoi vees ec fea er dty chronk chasherick?

² Eshyn dy-jarroo ta leeideil bea ôney: as ta jannoo yn red ta jeeragh, as ta loayrt yn irriney veih e chree.

³ Eshyn nagh vel er chliaghtey molteyraght erbee ayns e hengey, ny er n’yannoo olk da e naboo: as nagh vel er chooyl-chassid e naboo.

⁴ Eshyn nagh vel soiaghey jeh hene, agh ta imlee ayns e hooillyn hene: as jannoo mooar jeusyn ta goaill aggle roish y Chiarn.

⁵ Eshyn ta lhoo da e naboo, as nagh vel dy volley eh: ga dy beagh eh gys e choayl hene.

⁶ Eshyn nagh vel er choyrt magh e argid er use: ny er ghoaill leagh noi’n persoon gyn loght.

⁷ Eh ta jannoo myr shoh: cha jean eh dy-bragh tuittym.