Psalmyn 136 - Lioar ny Psalmyn 1765 (Pointed)

EVENING PRAYER. PSAL. 136. Confitemini.

¹ O cur-jee booise da’n Chiarn, son t’eh graysoil: as ta e vyghin farraghtyn son dy-bragh.

² O cur-jee booise da Jee dy-chooilley Yee: son ta e vyghin farraghtyn son dy-bragh.

³ O cur-jee booise da Chiarn dy-chooilley hiarn: son ta e vyghin farraghtyn son dy-bragh.

⁴ Ta ny-lomarcan jannoo yindyssyn mooarey: son ta e vyghin farraghtyn son dy-bragh.

⁵ Ta liorish e chreenaght er-skyn-earroo er chroo ny niaughyn: son ta e vyghin farraghtyn son dy-bragh.

⁶ Ren sheeyney magh yn thalloo er-skyn ny hushtaghyn: son ta e vyghin farraghtyn son dy-bragh.

⁷ Ren soilshaghyn mooarey y chroo: son ta e vyghyn farraghtyn son dy-bragh;

⁸ Yn ghrian dy reill y laa: son ta e vyghin farraghtyn son dy-bragh;

⁹ Yn eayst as ny rollaagyn dy reill yn oie: son ta e vyghin farraghtyn son dy-bragh.

¹⁰ Ren Egypt as yn chied er-ny-ruggey oc y woalley: son ta e vyghin farraghtyn son dy-bragh;

¹¹ As hug lesh Israel magh veih ny mast’ oc: son ta e vyghin farraghtyn son dy-bragh;

¹² Lesh laue niartal as roih sheeynit magh: son ta e vyghin farraghtyn son dy-bragh.

¹³ Ren y faarkey Jiarg y rheynn ayns daa ayrn: son ta e vyghin farraghtyn son dy-bragh;

¹⁴ As ren Israel y leeideil trooid y vean echey: son ta e vyghin farraghtyn son dy-bragh.

¹⁵ Agh er son Pharaoh as e heshaght-caggee, ren eh adsyn y stroie ayns yn aarkey Jiarg: son ta e vyghin farraghtyn son dy-bragh.

¹⁶ Ren e phobble hene y leeideil trooid yn aasagh: son ta e vyghin farraghtyn son dy-bragh.

¹⁷ Ren reeaghyn pooaral y woalley: son ta e vyghin farraghtyn son dy-bragh;

¹⁸ As ren stroie reeaghyn niartal: son ta e vyghin farraghtyn son dy-bragh;

¹⁹ Sehon ree ny Amoriteyn: son ta e vyghin farraghtyn son dy-bragh.

²⁰ As Og ree Vasan: son ta e vyghin farraghtyn son dy-bragh;

²¹ As hug ersooyl yn cheer oc son eiraght: son ta e vyghin farraghtyn son dy-bragh;

²² Dy-jarroo son eiraght da Israel e harvaant: son ta e vyghin farraghtyn son dy-bragh.

²³ Ren cooinaghtyn orrin tra va shin ayns seaghyn: son ta e vyghin farraghtyn son dy-bragh.

²⁴ As ta er livrey shin veih nyn noidyn: son ta e vyghin farraghtyn son dy-bragh.

²⁵ Ta coyrt beaghey da dy-chooilley eill: son ta e vyghin farraghtyn son dy-bragh.

²⁶ O cur-jee booise da Jee ny niaughyn: son ta e vyghin farraghtyn son dy-bragh.

²⁷ O cur-jee booise da’n Chiarn dy hiarnyn: son ta e vyghin farraghtyn son dy-bragh.