Psalmyn 13 - Lioar ny Psalmyn 1765 (Pointed)

PSAL. 13. Usque quo, Domine.

¹ Caid nee oo m'y yarrood, O Hiarn, nee son dy-bragh? caid nee oo follaghey dt’eddin voym?

² Caid nee’m coyrle y hirrey ayns m’annym, as ve cha seaghnit ayns my chree: caid vees my noidyn boggyssagh harrym?

³ Smooinee orrym, as eaisht rhym, O Hiarn my Yee: soilshee my hooillyn, nagh gadlym ayns baase;

⁴ Er aggle dy jir my noid, Ta mee er gheddyn y varriaght er: son my vee’m er my hilgey sheese, nee adsyn ta dy my heaghney boggey ’ghoaill jeh.

⁵ Agh ta my hreishteil ayns dty vyghin: as nee my chree boggey ’ghoaill ayns dty haualtys.

⁶ Nee’ms arrane y ghoaill jeh’n Chiarn, son dy vel eh er ghellal rhym er aght cha graihagh: dy-jarroo ver-ym moylley da Ennym y Chiarn smoo Ard.