Psalmyn 128 - Lioar ny Psalmyn 1765 (Pointed)

PSAL. 128. Beati omnes.

¹ Bannit t’adsyn ooilley ta goaill aggle roish y Chiarn: as ta gimmeeaght ayns e raaidyn.

² Son nee oo gee jeh laboraght dty laueyn: O s’mie t’ow, as s’maynrey vees oo.

³ Bee dty ven myr y billey-feeyney messoil, er voallaghyn dty hie;

⁴ Dty chloan goll-rish ny banglaneyn-olive: mygeayrt-y-mysh dty voayrd.

⁵ Cur-my-ner, myr shoh vees y dooinney bannit: ta goaill aggle roish y Chiarn.

⁶ Nee yn Chiarn magh ass Sion myr shen oo y vannaghey: dy vaik oo Jerusalem ayns maynrys ooilley laghyn dty vea;

⁷ Dy-jarroo, dy vaik oo cloan dty chlienney: as shee er Israel.