Psalmyn 126 - Lioar ny Psalmyn 1765 (Pointed)

EVENING PRAYER. PSAL. 126. In convertendo.

¹ Tra hug y Chiarn chyndaa da cappeeys Sion: eisht va shin goll-rish sleih va dreamal.

² Eisht va nyn meeall lhieent lesh gennallys: as y chengey ain lesh boggey.

³ Shen y traa dooyrt ad mastey ny ashoonee: Ta’n Chiarn er n’yannoo reddyn mooarey er ny son oc.

⁴ Ta’n Chiarn, dy-feer, er n’yannoo hannah reddyn yindyssagh er nyn son: jeu ta shin goaill boggey.

⁵ Cur chyndaa da’n chappeeys ain, O Hiarn: myr da ny awinyn ayns y jiass.

⁶ Adsyn ta cuirr ayns jeïr: nee ad buinn ayns boggey.

⁷ Eshyn ta nish goll er e hoshiaght keayney, as ta cuirr rass mie: hig eh reesht dyn dooyt lesh gennallys, as ver eh lesh e vunneeyn mârish.