Psalmyn 120 - Lioar ny Psalmyn 1765 (Pointed)MORNING PRAYER. PSAL. 120. Ad Dominum. 1 Tra va mee ayns seaghyn deïe mee gys y Chiarn: as ren eh m'y chlashtyn. 2 Livrey m’annym’s, O Hiarn, veih meillyn breagagh: as veih chengey molteyragh. 3 Cre’n leagh vees er ny choyrt ny er ny yannoo dhyts, O hengey oalsey: dy-jarroo sideyn lajer as gear, lesh smaraagyn jiarg loshtee. 4 Smerg dou dy vel mee êginit dy chummal marish Mesech: as dy vel my ynnyd-vaghee mastey cabbaneyn Kedar! 5 Ta m’annym’s er chummal foddey ny-vud ocsyn: ta nyn noidyn da shee. 6 Ta mee strieu son shee, agh cha vel mee ny-sleaih loayrt roosyn jeh shen: nagh vel ad jannoo ad hene aarloo gys caggey. |
maintained by the British and Foreign Bible Society
British & Foreign Bible Society