Psalmyn 113 - Lioar ny Psalmyn 1765 (Pointed)

PSAL. 113. Laudate, pueri.

¹ Moylley-jee yn Chiarn, shiuish e harvaantyn: O moylley-jee Ennym y Chiarn.

² Bannit dy row Ennym y Chiarn: veih’n traa shoh magh er son dy-bragh.

³ Ta Ennym y Chiarn er ny voylley: veih irree gys lhie ny greïney.

⁴ Ta’n Chiarn ard er-skyn dy-chooilley ashoon: as ta e ghloyr er-skyn ny niaughyn.

⁵ Quoi ta casley rish y Chiarn y Jee ain, ta e ynnyd-vaghee cha ard: as ny-yeih t’eh ginjillaghey eh hene dy chur my-ner ny reddyn t’ayns niau as er y thalloo?

⁶ T’eh goaill seose yn fer imlee ass y joan: as troggal yn ymmyrchagh veih’n thorran;

⁷ Dy vod eh eshyn y hoiaghey seose mastey ny prinsyn: dy-jarroo mastey prinsyn e phobble.

⁸ T’eh cur er y ven ghennish dy reayll thie: as dy ve ny moir ghennal dy chloan.