Psalmyn 95 - Psalmyn Ghavid 1761 (Metrical)

PSALM XCV.

¹ Lesh greïnyn kiaullee as coraa Lhig dooin coyrt booise da Jee; As boggey mooar goaill ayns y chreg, Er ta nyn sauchys lhie.

² Stiagh ayns e enish lhig dooin cheet Lesh moylley arrymagh; Soilshagh nyn mooise lesh gennallys, As psalmyn eunyssagh.

^3-4 Corneilyn sodjey magh yn ooir, Ta echey ayns e laue; Ta niart ny croink myrgeddin lesh ’Syn order hug eh daue.

⁵ She eshyn ren y faarkey mooar, Cur voalley lajer mysh; As lesh e phooar ren eh goardrail Yn thalloo dy heet rish.

⁶ O tar-jee, lhig dooin ooashley ’choyrt, As loobey sheese nyn ghlioon; As croymmey gys y Chiarn nyn Yee, Yn Jee hug toshiaght dooin.