Psalmyn 84 - Psalmyn Ghavid 1761 (Metrical)

PSALM LXXXIV.

⁴ O Hiarn my Yee, maynrey nyn stayd, Ta mennick ayns dty hie; Geeck dhyts ayns shen nyn geesh dy ghloyr, Lesh arryltys nyn gree.

⁵ Maynrys er maynrys gour nyn lheid, Ta ayns dty scaa treishteil; Myr troailtee gennal, geiyrt da’n raad Ta gys dty hie leeideil.

⁷ Veih niart dy niart t’ad gennal goll Jerkal rish maynrys bra, Raad hee ad dt’oaïe ayns gerjagh beayn, Nagh jean dy bragh caghlaa.

¹⁰ O baare lhiam eisht un laa vaarail, Ayns chiamble noo my Yee; Ny bleeantyn liauyr fud sleih gyn-ghrayse, Gyn aggle ayns nyn gree.