Psalmyn 8 - Psalmyn Ghavid 1761 (Metrical)

PSALM VIII.

¹ O Hiarn, oo hene nyn ard chiannoort, Dagh nhee ta fo dty reill; Erskyn ny Niaughyn ta dty ghloyr, Ta dt’ennym trooid y theihll.

³ Obbyr dty laue tra hee’m ’syn aer, Ta staaynit lesh dty phooar; Yn ghrian, yn eayst, rollageyn neesht Scart trooid yn ’eaynagh vooar.

⁴ Hiarn, cre ta dooinney, smooinee mee, Dy ghoaill eh ayns e ghooie? Ny cre ta ’lhuight ’sy chilley ayds, Dy beagh oo daue cha dooie?

⁵ Eh, sniessey da dty ainleyn noo Ayns gloyr, ren oo pointeil;

⁶ Coamrit lesh pooar, myr Chiarn y seihll, Er dt’obbraghyn dy reill.

⁷ Dagh dooghys ren oo bial da, Myr daag oo orroo beoyn;

⁸ Eeanlee ta bennalt trooid yn aer, As eeaystyn snaue ’sy cheayn.

⁹ O Hiarn, oo hene nyn ard chiannoort, Dagh nhee ta fo dty reill; Erskyn ny niaughyn ta dty ghloyr, Ta dt’ennym trooid y theihll.