Psalmyn 4 - Psalmyn Ghavid 1761 (Metrical)

PSALM IV.

¹ O Yee, my vriw, m’er chosnee cair, Jean myghin orrym, Hiarn, Veih seaghyn hug oo dou livrey, As ta mee foast er-mayrn.

² Varvaanee hreih! O caid nee shiu Mysh m’ennym ooasle craid? Caid eiyrys shiu da eer fardail, Da scammyltyn, O caid?

³ Toig-jee dy vel yn dooinney mie Goit stiagh myr reih ec Jee; T’eh geaishtagh rish my phadjeryn Tra ta mee huggey guee.

⁴ Lesh aggle crauee jean-jee chea Veih eiyrtys peccah trome; Smooinaghtyn mie gow shiu nyn gree, Gys Jee dy injil croym.

⁵ Yn oural cooie dy ynrickys Jean-jee y hebbal da; Ayns jeerid jeeagh-jee gys y Chiarn, As treisht-jee ayn dy bra.

⁶ Mooaralee er cooid heihltagh soit Ta kinjagh geearree pooar; Agh lhig da aalid dt’eddin, Yee, Orryms soilshean ayns gloyr.

⁷ My chree myr shen feer ghennal vees, Roie harrish lane dy vree; Son cha nee feeyn ny arroo lesh, Ver kuïnid cair ’sy chree.

⁸ Eisht lhie-ym sheese as hem gys fea Lesh aigney lane dy hee; Son uss, O Hiarn, ta my endeil, Ta coyrt dou fea ny hoie.