Psalmyn 39 - Psalmyn Ghavid 1761 (Metrical)

PSALM XXXIX.

⁴ Hiarn, cur dty ghrayse as tushtey dou, Son toiggal cooie jee’m pene; Goaill gys my chree gyirrid my vea, Nagh vod ve foddey beayn.

⁵ Jeeagh; t’ou er chummey traa my vea Gys towshan giare myr reish; Ayns soylagh gys y veaynid ayds, Fardail dagh dooinney eisht.

⁶ Ta dooinney shooyl ayns caslys scaa, As lab'raght ayns fardail; Sheer chaglym cooid, gyn fys quoi da, Ny quoi nee’n soylley ’ghoaill.

⁷ Agh quoi er ta mish farkiaght, Hiarn, Cre er m’imnea baarail? Orts ta mee coyrt my varrant slane, Cha jean oo mee hreigeil.