Psalmyn 33 - Psalmyn Ghavid 1761 (Metrical)

PSALM XXXIII.

⁴ Goo’n Chiarn ta kiart, e chreenaght vooar Harrish e obbyr sheeint;

⁵ Ta ’ghraih er cairys, as yn ooir Ta lesh e vieys lhieent.

⁶ Yn arch vooar ard ta er nyn skyn Va soit magh lesh e laue; As ooilley’n cheshaght aalin t’ayn, Hug eh nyn doshiaght daue.

⁷ Da’n faarkey hug eh boayl er-lheh Coyrt cagliagh lajer mysh; As chaglit stiagh myr ayns thie stoyr, Nagh voddagh eh cheet rish.

⁸ Lhig eisht slane cummaltee yn theihl, Ve roishyn atchimagh;

⁹ Dagh nhee va jeant, hug biallys, Leah’s haink y sarey magh.

¹¹ Shen ny ta’n Chiarn dy choyrt myr leigh Nee shassoo gyn caghlaa; E haraghyn ta sealit seose, Nagh vod ve brisht dy bra.