Psalmyn 25 - Psalmyn Ghavid 1761 (Metrical)

PSALM XXV.

^1-2 Gys Jee, ayn ta my hreisht, Lesh m’annym as my chree, Nee’m padjer ghoaill; O Hiarn graysoil, Ny cur gys nearey mee.

^3-4 Ayns ynrickys dty raad, Jean mish, O Hiarn, ’leeideil; Jee my haualtagh, uss dy bragh; Nagh jean dy bragh failleil.

⁵ O smooinee orrym, Hiarn, Ayns graih as myghin cooie; As dy graysoil jean tannaghtyn Da peccee boghtey dooie.

⁶ Lhig loght my aegid, Hiarn, Ve dollit ass dty lioar; As son dty vieys yindyssagh Jeeagh dou dty ghrayse as foayr.

⁷ Dty vyghin as erreeish, T’ou soilshagh orrin, Hiarn; Ny shaghrynee goaill gys dty raad, As thie hood hene ad tayrn.

⁸ Ny imlee as ny meen, Ayns ynrickys nyn mea, T’eh dy leeideil dy myghinagh Ayns raaidyn kiart as rea.

⁹ Ta ooilley raaidyn Yee, Ayns firrinys gloyroil; Dauesyn ta freayll e annaghyn, Dy myghinagh foayroil.