Psalmyn 23 - Psalmyn Ghavid 1761 (Metrical)

PSALM XXIII.

¹ Yn Chiarn eh-hene nee mish y rere, Tra ta mee huggey geam; Yn bochill mie nee goaill kiarail, Nagh bee’m dy bragh ayns feme.

² Ayns faiyr meenure as lane dy vlaa, T’eh kinjagh fassagh mee; Reesht m’y leeideil gys fynneraght, Yn raad ta geillyn roie.

³ My chree waggântagh t’eh chyndaa, Er graih e ennym hene; As gynsagh mee cre’n aght dy hooyl, Ayns raaidyn jeeragh, glen.

⁴ Ga dy beïn shooyl ayns coan y vaaish, Cha bee’m ayns dooyt erbee; Dty ’latt, dty lorg nee m’y endeil, As kinjagh gerjagh mee.

⁵ Neayr’s ta my Yee jeh mooad’s e ghraih, Er reayll my vea ass gaue;

⁶ Yn vea shen neem’s y hymney da, As ayns e hiamble ceau.